أعمال الرُّسُل 2:47 - كِتاب العَهد الجَّديد مِن الكِتاب المُقَدَّس

⁴⁷ و كانو يَحمَدو الله و يَلقو نِعمَه قِدّام كُل النّاس. و الرَّب جَمَع لِلكَنيسَه كُلّو يوم الكانو بِخلَصو.

أعمال الرُّسُل 2:47 Iomraidhean Croise

لُوقَا 19:48

لَكِن ما لِقو طَريق عَشان يَعمِلو دا، عَشان كُل النّاس كانو يَخَلّو بالُم لِكَلامو.

لُوقَا 2:52

و يَسُوع زاد في الحِكمَه و في طولو، و في النِّعمَه عِند الله و النّاس.

أعمال الرُّسُل 11:21

و إيد الرَّب كانَت مَعاهُم. و عَدَد كَبير مِن النّاس آمَنو و رَجَعو لِلرَّب.

أعمال الرُّسُل 11:24

عَشان هو كان راجِل صالِح، مَليان بِالرّوح القُدُس و بِالإيمان. و عَدَد كَبير مِن النّاس إتلَمّو لِلرَّب.

أعمال الرُّسُل 13:48

و لَمّا الأُمَم سِمِعو دا، فِرحو و مَجَّدو كِلمَة الرَّب. و كُل الهو إختارُم لِلحَياة الأبَديَّه، آمَنو.

أعمال الرُّسُل 14:1

و في إِيْقُونِيَه، بُولُس و بَرْنَابَا دَخَلو سَوا لِبيت الرَّب اليَهودي. و إتكَلَّمو بِالقُوَّه حَتّى عَدَد كَبير مِن اليَهود و ناس إغريقيين آمَنو.

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

أعمال الرُّسُل 16:5

و الكَنايس كانو بِشَدِّدو في الإيمان، و بِزيدو في العَدَد كُلّو يوم.

أعمال الرُّسُل 17:12

و كَتيرين مِنَّهُم آمَنو، و كَمان عَدَد ما قَليل مِن ناس إغريقيين، مِن النِّسوان المُحتَرَمات و مِن الرُّجال.

أعمال الرُّسُل 2:39

عَشان ليكُم الوَعَد، و لِأولادكُم و لِكُل النّاس البَعيدين، لِكُلُّهُم البِناديهُم الرَّب إلَهنا.“

أعمال الرُّسُل 2:41

و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.

أعمال الرُّسُل 4:21

و بَعَد ما هَدَّدوهُم زِيادَه، فَكّوهُم. و هُم ما قِدرو يَلقو كيف يَعمِلو ليهُم حاجَه بَطّالَه بِسَبَب النّاس. عَلَشان كُل النّاس كانو بِمَجِّدو الله عَلى الحَصَل.

أعمال الرُّسُل 4:33

و الرُّسُل كانو بِقُوَّه عَظيمَه بِشهَدو بِقيامَة الرَّب يَسُوع، و نِعمَه عَظيمَه كانَت عَلى كُلُّهُم.

أعمال الرُّسُل 4:4

و كَتيرين مِن النّاس السِّمِعو الكِلمَه، آمَنو، و عَدَد الرُّجال بِقى خَمسَة آلاف تَقريباً.

أعمال الرُّسُل 6:1

و في الأيام ديلاك لَمَّن التَّلاميذ زادو، اليَهود البِتكَلَّمو اللُغَه الأغريقيَّه إشتَكو عَلى اليَهود الوَطَنيين عَلَشان ما كانو يِتذَكَّرو أرَامِلُم في التَّعيين كُلّو يوم.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

أعمال الرُّسُل 9:31

و كِدا، ناس الكَنيسَه في كُل اليَهُودِيَّه و الجَّليل و السَّامِرَه كان عِندَهُم سَلام و بِقو شُداد. و كانو يَخافو الرَّب، و عِندَهُم تَعزيَه في الرّوح القُدُس، و كانو يَزيدو في العَدَد.

أعمال الرُّسُل 9:35

و كُل السّاكنين في لُدَّه و ساروون شافوهو و رَجَعو لِلرَّب.

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 9:27

و إِشَعْيَاء يَنادي بِخُصوص إِسْرَائِيل: ”إذا كان عَدَد أولاد إِسْرَائِيل زي رَمل البَحَر، ما بِخلَص مِنَّهُم إلّا جُزو صَغَيِر.

١ كُورِنْثُوس 1:18

عَلَشان كِلمَة الصَّليب عِند البِموتو كَلام فاضي، لَكِن عِندَنا المُخَلَّصين هي قُوَّة الله.