أعمال الرُّسُل 2:46 - كِتاب العَهد الجَّديد مِن الكِتاب المُقَدَّس

⁴⁶ و كُلّو يوم كانو بِستَمِرّو يِتلَمّو في الهيكَل و بِكَسِّرو العيش في البُيوت، و بياكلو مَعَ بَعض بِفَرَح و قُلوب مُخلِصين.

أعمال الرُّسُل 2:46 Iomraidhean Croise

مَتَّى 6:22

لَمبَت الجِّسم، هي العين. عَشان كِدا إذا كان عينَك بَسيطَه، جِسمَك كُلّو يَكون مَليان نور.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

لُوقَا 24:30

و لَمّا قَعَد مَعاهُم في الطَّرَبيزَه، أخَد الرَغيف و بارَك، و كَسَّر، و أدّاهو ليهُم.

لُوقَا 24:53

و إستَمَرّو دايماً في الهيكَل يَبارِكو الله.

أعمال الرُّسُل 16:34

و أخَدُم لِبيتو و جاب ليهُم أكل. و إنبَسَط مَعَ كُلّو أهل بيتو عَشان كانو آمَنو بِالله.

أعمال الرُّسُل 2:42

و كانو بِستَمِرّو في تَعليم الرُّسُل و الشَّرِكَه و كَسر العيش و الصَّلاه.

أعمال الرُّسُل 20:7

و في أوَّل الأسبوع، إتلَمّينا سَوا عَشان نَكَسِّر العيش. و بُولُس إتكَلَّم مَعاهُم، و هو داير يَمشي في اليوم التّاني. و إستَمَر في الكَلام لِنُص اللّيل.

أعمال الرُّسُل 3:1

و بُطْرُس و يُوحَنَّا كانو يَطلَعو لِلهيكَل لِصَلاه السّاعَه تلاتَه بَعَد الضُّهر.

أعمال الرُّسُل 5:21

و لَمّا سِمِعو دا، دَخَلو الهيكَل في الصَّباح بَدري و إبتَدو يَعَلِّمو. و لَمّا رَئيس القُسُس و المَعاهو جو، جَمَعو المَجِلس و كُلّو شُيوخ إِسْرَائِيل. و رَسَّلو لِلسِّجِن عَشان يَجيبو الرُّسُل.

أعمال الرُّسُل 5:42

و كانو كُلّو يوم في الهيكَل و في البُيوت، و ما بَطَّلو أبَداً بِعَلِّمو و بِبَشِّرو بِيَسُوع المَسيح.

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

١ كُورِنْثُوس 10:16

كُبّايَة البَرَكَه البيها نَبارِك، ما هي شَرِكَة دَم المَسيح؟ العيش النَّكَسِّرو، ما هو شَرِكَة جِسِم المَسيح؟

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

أفَسُس 6:5

يا خَدّامين، طيعو أسيادكُم حَسَب الجِّسِم بِإحتِرام و خوف، و إخلاص القَلِب، زي لِلمَسيح.

كُولُوسِّي 3:22

يا خَدّامين، طيعو أسيادكُم حَسَب الجِّسِم في كُلّو حاجَه. و أعمِلو كِدا مُش لَمّا هُم يَعاينو ليكُم بَس عَشان تَبسِطوهُم. لَكِن إشتَغِلو بِإخلاص القَلِب و مِن خوف لِلرَّب.