أعمال الرُّسُل 2:43 - كِتاب العَهد الجَّديد مِن الكِتاب المُقَدَّس

⁴³ و الخوف وَقَع عَلى كُلّو نَفس، و الرُّسُل عَمَلو عَجايِب و عَلامات كَتيرَه.

أعمال الرُّسُل 2:43 Iomraidhean Croise

مَرْقُس 16:17

و العَلامات دي تَمشي مَعَ المِصَدِّقين. بِإسمي، يَمَرِّقو شياطين، و يِتكَلَّمو بِلُغات جَديدَه،

لُوقَا 7:16

و الخوف مَسَك كُلَّهُم، و هُم مَجَّدو الله و قالو: ”نَبي عَظيم قام في وَسِطنا!“ و ”الله جا عَشان يَساعِد شَعبو.“

لُوقَا 8:37

و كُلّو أهل بَلَد الجَدَريّين و السّاكنين جَمبُم طَلَبو مِنّو أن يَمرُق، عَشان خوف شَديد مَسَكُم. و دَخَل المُركَب و رَجَع.

يُوحَنَّا 14:12

الحَق الحَق أقول ليكُم، البِآمِن بي، الأعمال الأنا بَعمِلا، هو كَمان يَعمِلا. و يَعمِل أكبَر مِنَّها، عَشان أنا ماشي لِلأبو.

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

أعمال الرُّسُل 4:33

و الرُّسُل كانو بِقُوَّه عَظيمَه بِشهَدو بِقيامَة الرَّب يَسُوع، و نِعمَه عَظيمَه كانَت عَلى كُلُّهُم.

أعمال الرُّسُل 5:5

و وَكِت حَنانيّا سِمِع الكَلام دا، وَقَع و مات. و خوف عَظيم وَقَع عَلى كُل السِّمِعو بِداك.

أعمال الرُّسُل 9:34

و بُطْرُس قال ليهو: ”يا إينياس، يَسُوع المَسيح يَشفيك. قوم، و فَرِّش عَنقَرِيبَك.“ و هو قام طَوّالي.

أعمال الرُّسُل 9:40

و بُطْرُس مَرَّق كُلُّهُم بَرَّه و رَكَع عَلى رُكبَتيهو و صَلّى. و بَعَد دا، إتلَفَت لِلجِّسِم و قال: ”يا طابيثا، قومي.“ و هي فَتَحَت عُيونا، و لَمّا شافَت بُطْرُس، قَعَدت.