أعمال الرُّسُل 2:40 - كِتاب العَهد الجَّديد مِن الكِتاب المُقَدَّس

⁴⁰ و بِكِلمات تانيَه كَتيرَه، بُطْرُس كان بِهَظِّرُم و بِبَشِّرُم و قال: ”أخلَصو مِن ناس الزَّمَن دا البَطّالين.“

أعمال الرُّسُل 2:40 Iomraidhean Croise

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 16:4

ناس زَمَن بَطّال و البيَعمِلو الزِّنا بِطلُبو عَلامَه. و لَكِن ما بِدّوهُم عَلامَه إلّا عَلامَة يونان.“ و هو سابُم و مَشى.

مَتَّى 17:17

و يَسُوع رَدَّ و قال: ”يا أولاد الزَّمَن دا، البِدون إيمان و رُسيكُم قَوّيَّه، لِمِتين بَكون مَعاكُم؟ لِمِتين أنا بَتحَمَّلكُم؟ جيبو لَي هِنا.“

مَتَّى 23:33

يا دَبايب، يا أولاد الحَيّات، كيف بِتَهرَبو مِن حُكم جَهَنَّم؟

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

يُوحَنَّا 21:25

و يَسُوع عَمَل حاجات تانيَه كَتيرَه كَمان. إذا كانَت مَكتوبَه واحدَه واحدَه، أفتَكِر الدُّنيا نَفسا ما بِتشيل الكُتُب المَكتوبَه.

أعمال الرُّسُل 10:42

و هو أمَرنا نَبَشِّر النّاس، و نَشهَد إنّو الله إختارو يَكون قاضي لِلحَيين و المَيِّتين.

أعمال الرُّسُل 15:32

و يَهُوذَا و سِيلَا، و هُم كَمان كانو أنبياء، بِشَّرو الأخوان بِكَلام كَتير، و شَدَّدوهُم.

أعمال الرُّسُل 20:11

و طَلَع و كَسَّر العيش و أكَل، و إتكَلَّم كَتير لِغايَة الصَّباح. و بَعَد دا مَرَق.

أعمال الرُّسُل 20:2

و لَمّا سافَر في المَحَلّات ديك و بَشَّرُم كَتير عَشان يَدّيهو شَجاعَه، هو جا لِبَلَد ناس إغريقيين.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 20:9

و كان شاب إسمو أفتيخوس قاعِد في الشُّبّاك. و هو بِقى نَعسان و نام نوم تَقيل. و لَمّا بُولُس إستَمَرَّ في الكَلام، النّوم غَلَب عَليهو، و هو وَقَع مِن الدّور التّالِت لِتِحِت، و شالوهو مَيِّت.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 4:36

و يُوسِف كان لَاوِي مِن قُبرُص. و الرُّسُل سَمّوهو بَرْنَابَا، يَعني إبن الشَّجاعَه.

٢ كُورِنْثُوس 5:20

عَلَشان كِدا نِحنا سُفَراء المَسيح زي ما الله يَطلُب بينا، نِحنا نَطلُب مِنَّكُم فِشان المَسيح، أعمِلو سَلام مَعَ الله.

٢ كُورِنْثُوس 6:17

عَلَشان كِدا أمرُقو مِن بِينُم، و فَرِّقو مِنَّهُم، يَقول الرَّب. و ما تَلمَسو حاجَه نَجِسَه. و أنا بَقبَلكُم.

غَلَاطِيَّه 5:3

و أشهَد كَمان لِكُلّو زول مُطَهَّر، هو لازِم يَطيع القانون كُلّو.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

فيلِبّي 2:15

عَشان بِتكونو بِدون لوم و نُضاف، أولاد الله بِدون غَلَط في وَسِط جيل مَعَوَّج و مِتمَرِّد. و إنتو تَنَوِّرو بِينُم زي نِجوم في الدُّنيا،

١ تَسَالُونِيكِي 2:11

عَشان تَعرِفو كيف كُنّا نَعَزّي كُلّو واحِد مِنَّكُم، زي أبو لِأولادو، و كُنّا نَشَجِّعكُم،

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.