أعمال الرُّسُل 2:39 - كِتاب العَهد الجَّديد مِن الكِتاب المُقَدَّس

³⁹ عَشان ليكُم الوَعَد، و لِأولادكُم و لِكُل النّاس البَعيدين، لِكُلُّهُم البِناديهُم الرَّب إلَهنا.“

أعمال الرُّسُل 2:39 Iomraidhean Croise

أعمال الرُّسُل 10:45

و كُل المؤمِنين المُطَهَّرين الجّو مَعَ بُطْرُس، إستَغرَبو عَشان الله أدّا لِلنّاس الما كانو يَهود هَديَّة الرّوح القُدُس كَمان.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 15:14

سِمْعَان خَبَّرنا كيف الله زار الأُمَم في الأوَّل، عَشان تاخُد مِنَّهُم ناس لِنَفسو.

أعمال الرُّسُل 15:3

و بَعَد ما الكَنيسَه رَسَّلُم، هُم سافَرو لِفِينِيقِيَه و السَّامِرَه، و كانو بِخَبِّرُم بِرُجوع الأُمَم. و كُل الأخوان فِرحو فَرَح عَظيم.

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

رُومِيَه 11:29

عَشان هَدايا الله و إختياراتو هي بِدون توبَه.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 9:24

و عَلينا نِحنا الهو نادانا، مُش مِن اليَهود بَس، لَكِن مِن الأُمَم كَمان.

رُومِيَه 9:4

الهُم ناس إِسْرَائِيل. هو عَمَلُم أولادو، و ليهُم المَجد و الإتِّفاقات. و هو أدّاهُم القانون و الخِدمَه و الوُعود.

١ كُورِنْثُوس 7:14

عَشان الرّاجِل الما مؤمِن مُقَدَّس في المَرَه، و المَرَه الما مِآمِنَه مُقَدَّسَه في الرّاجِل. و كان ما كِدا، أولادكُم نَجِسين. لَكِن هَسَّع هُم مُقَدَّسين.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 2:12

عَشان إنتو كُنتو في الوَكِت داك بِدون المَسيح، غَريبين عَن أهل إِسْرَائِيل، غَريبين عَن إتِّفاقات الوَعَد، بِدون رَجاء و بِدون الله في الدُّنيا.

أفَسُس 4:4

في جِسِم واحِد و روح واحِد، زي ما هو إختاركُم في رَجاء إختياركُم الواحِد.

٢ تَسَالُونِيكِي 1:11

عَلَشان كِدا، نِحنا دايماً نَصَلّي فِشانكُم، عَشان الله يَعمِلكُم مُستَحِقّين لِإختياراتو، و يَتِم بِقُوَّتو كُلّو فِكرَه كوَيسَه و عَمَل الإيمان.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.

٢ بُطْرُس 1:3

عَشان قُدرَة الله نَفسو أدّانا كُلّو حاجَه النَّحتاج ليها لِلحَياة و لِخوف الله. و لَمّا نَعرِفو، نِتعَلَّم إنّو نادانا لِمَجد نَفسو و خيرو.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 19:9

و هو قال لَي: ”أكتِب: مُبارَكين ديل النّادوهُم لِعَشا عِرِس الحَمَل.“ و قال لَي كَمان: ”دي كِلمات الله الصَّحَيحَه.“