أعمال الرُّسُل 19:8 - كِتاب العَهد الجَّديد مِن الكِتاب المُقَدَّس

⁸ و بُولُس دَخَل بيت الرَّب. و كان بِتكَلَّم بِدون خوف مُدَّة تلاتَه شُهور، يِتفاكَر و يَرَضّي عَن حاجات مَلَكوت الله.

أعمال الرُّسُل 19:8 Iomraidhean Croise

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.

أعمال الرُّسُل 13:14

لَكِن هُم مَشو مِن بَرجَه و جو لِأَنْطَاكِيَه في بِيسِيدِيَه. و دَخَلو بيت الرَّب يوم السَّبِت و قَعَدو.

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 14:1

و في إِيْقُونِيَه، بُولُس و بَرْنَابَا دَخَلو سَوا لِبيت الرَّب اليَهودي. و إتكَلَّمو بِالقُوَّه حَتّى عَدَد كَبير مِن اليَهود و ناس إغريقيين آمَنو.

أعمال الرُّسُل 17:17

و كان بِخَبِّر اليَهود و النّاس البِخافو، في بيت الرَّب، و النّاس الهو قابِلُم في السّوق كُلّو يوم.

أعمال الرُّسُل 18:19

و وِصلو لِأفَسُس، و بُولُس خَلّاهُم الإتنين هِناك، و دَخَل بيت الرَّب و عَلَّم اليَهود.

أعمال الرُّسُل 18:26

و إبتَدا يتكَلَّم بِدون خوف في بيت الرَّب. و لَمّا بِرِيسْكِلَّا و أَكِيلَا سِمِعوهو، أخَدوهو ليهُم، و وَرّوهو طَريق الله تَمام.

أعمال الرُّسُل 18:4

و هو كان بِتكَلَّم في بيت الرَّب كُلّو سَبِت، و يَرَضّي اليَهود و ناس إغريقيين.

أعمال الرُّسُل 19:10

و إستَمَرَّ كِدا لِمُدَّة سَنَتين، لِغايَة كُل السّاكنين في آسيا مِن يَهود و ناس إغريقيين سِمِعو كِلمَة الرَّب.

أعمال الرُّسُل 19:7

و كُلُّهُم كانو إتناشَر راجِل تَقريباً.

أعمال الرُّسُل 19:9

و بَعض مِنَّهُم، روسينُم بِقو قَوّيين و أبو يآمِنو، و شَتَمو الطَّرِيق قِدّام النّاس. عَلَشان كِدا، بُولُس خَلّاهُم و أخَد التَّلاميذ مَعاهو. و كان بِتكَلَّم مَعاهُم كُلّو يوم في مَدرَسَة تِيرَانُّوس.

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.