أعمال الرُّسُل 19:26 - كِتاب العَهد الجَّديد مِن الكِتاب المُقَدَّس

²⁶ و إنتو تَشوفو و تَسمَعو في أفَسُس و كُلّو آسيا تَقريباً، بُولُس دا عَلَّم ناس كُتار حَتّى ضَلّو. و يَقول المَعمولَه بِالإيدين ما آلِهَه أبَداً.

أعمال الرُّسُل 19:26 Iomraidhean Croise

أعمال الرُّسُل 14:15

”يا رُجال، بِتسَوّو دا لِشِنو؟ نِحنا كَمان ناس، عِندَنا نَفس الطَّبيعَه زيَكُم. و نَبَشِّركُم عَشان تَرجَعو مِن الحاجات البِدون فايدَه دي لِلَّه الحَي، الخَلَق السَّما و الأرض و البَحَر و كُل الفيها.

أعمال الرُّسُل 17:29

و عَلَشان نِحنا نَسل الله، ما نَفتَكِر طَبيعَة الله زي الدَّهَب ولّا الفِضَّه ولّا الحَجَر المَنقوش بِصورَة شُغل الزّول و شَطارتو.

أعمال الرُّسُل 18:19

و وِصلو لِأفَسُس، و بُولُس خَلّاهُم الإتنين هِناك، و دَخَل بيت الرَّب و عَلَّم اليَهود.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

أعمال الرُّسُل 19:10

و إستَمَرَّ كِدا لِمُدَّة سَنَتين، لِغايَة كُل السّاكنين في آسيا مِن يَهود و ناس إغريقيين سِمِعو كِلمَة الرَّب.

أعمال الرُّسُل 19:25

و هو لَمّاهُم مَعَ الشَّغّالين في عَمَل زي دا، و قال: ”يا رُجال، إنتو بِتَعرِفو نِحنا عِندَنا غِنى مِن الصِّنعَه دي.

١ كُورِنْثُوس 12:2

إنتو بِتَعرِفو لَمّا كُنتو مِن الأُمَم، كانو يَحَرِّكوكُم و يَقودوكُم لِلأصنام الما يِتكَلَّمو.

١ كُورِنْثُوس 8:4

عَلى كِدا عَن الأكل اليَضبَحوهو لِلأصنام، بِنَعرِف الصَّنَم ما شي في الدُّنيا، و ما في إلَه تاني إلّا واحِد.

غَلَاطِيَّه 4:8

مِن قَبِل، لَمّا ما كُنتو تَعرِفو الله، كُنتو عَبيد لِآلِهَه بِطَبيعَه مُش آلِهَه.

١ تَسَالُونِيكِي 1:9

عَلَشان هُم نُفوسُم يَخَبِّرو كيف قِبِلتونا، و كيف رَجَعتو لِلَّه مِن الأصنام عَشان تَخدِمو الله الحَي الحَقيقي.

رؤيا 9:20

و باقي النّاس الما كانو مَكتولين بِالضَّرَبات دي لِسَّع ما تابو مِن أعمال إيدينُم. و هُم إستَمَرّو يَعبُدو الشّياطين و الأصنام الدَّهَبي و الفِضَّه و النَّحاس الأصفَر و الحَجَر و الخَشَب. و الأصنام ديل ما بِقدَرو يَشوفو ولّا يَسمَعو ولّا يَمشو.