أعمال الرُّسُل 18:8 - كِتاب العَهد الجَّديد مِن الكِتاب المُقَدَّس

⁸ و كِرِيسْبُس، رَئيس بيت الرَّب، آمَن بالرَب مَعَ كُلّو ناس بيتو. و كَتيرين مِن الكُورِنْثُوس السِّمِعو، آمَنو و إتعَمَّدو.

أعمال الرُّسُل 18:8 Iomraidhean Croise

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

مَرْقُس 5:22

بَعدين واحِد مِن رؤساء بيت الرَّب جا، إسمو يَايِرُس. و لَمّا شاف يَسُوع، وَقَع قِدّام كِرعينو،

مَرْقُس 5:35

و وَكِت ما يَسُوع يتكَلَّم لِسَّع، ناس جو مِن رَئيس بيت الرَّب، و قالو: ”بِتَّك ماتَت. لِشِنو إنتَ لِسَّع تَتَعِّب المُعَلِّم؟“

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

أعمال الرُّسُل 11:14

و هو بِكَلِّمَك كَلام بِتَخلَص بيهو، إنتَ و كُلّو بيتَك.

أعمال الرُّسُل 13:15

و بَعَد قِرايَة القانون و الأنبياء، رؤساء بيت الرَّب رَسَّلو ليهُم يَقولو: ”يا أخوان، إذا كان عِندَكُم كِلمَة الشَّجاعَه لِلنّاس، قُولوهو.“

أعمال الرُّسُل 16:34

و أخَدُم لِبيتو و جاب ليهُم أكل. و إنبَسَط مَعَ كُلّو أهل بيتو عَشان كانو آمَنو بِالله.

أعمال الرُّسُل 18:1

و بَعَد دا، بُولُس مَشى مِن أَثِينَا و جا لِكُورِنْثُوس.

أعمال الرُّسُل 18:17

و كُلُّهُم مَسَكو سُوسْتَانِيس، رَئيس بيت الرَّب، و ضَرَبوهو قِدّام المَحكَمَه. و غَالِيُون ما خَلّى بالو لِداك كُلّو كُلّو.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

أعمال الرُّسُل 8:12

و لَكِن لَمّا صَدَّقو فِيلُبُّس، و هو بِبَشِّرُم بِمَلَكوت الله و بِإسم يَسُوع المَسيح، هُم إتعَمَّدو، رُجال و نِسوان.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

٢ كُورِنْثُوس 1:1

مِن بُولُس رَسول المَسيح يَسُوع بِإرادَة الله، و مِن تِيمُوثَاوُس الأخو، لِكَنيسَة الله الفي كُورِنْثُوس، مَعَ كُل النّاس المُقَدَّسين في كُلّو أَخَائِيَه.

٢ كُورِنْثُوس 1:23

لَكِن بَنادي الله زي شاهِد لَي، السَّبَب الأنا ما رَجَعتَ لِكُورِنْثُوس، هو عَلَشان رَحَمتَكُم.

٢ كُورِنْثُوس 6:11

يا ناس كُورِنْثُوس، خَشُمنا مَفتوح ليكُم، و قَلِبنا بِقى وَصِف ليكُم.

٢ تِيمُوثَاوُس 4:20

أَرَاسْتُس إستَنّى في كُورِنْثُوس، لَكِن أنا خَلّيت تُرُوفِيمُس في مِيلِيتُس عَيّان.