أعمال الرُّسُل 18:7 - كِتاب العَهد الجَّديد مِن الكِتاب المُقَدَّس

⁷ و مَرَق مِن بيت الرَّب، و جا لِبيت راجِل بِخاف الله، إسمو تِيطُس يُسْتُس. و بيتو كان جَنب بيت الرَّب.

أعمال الرُّسُل 18:7 Iomraidhean Croise

يُوحَنَّا 9:31

نِحنا بِنَعرِف الله ما بِسمَع لِلخاطيين، لَكِن كان واحِد يَخاف الله و يَعمِل إرَادَتو، الله يَسمَع ليهو.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 13:42

و وَكِت بُولُس و بَرْنَابَا كانو يَمرُقو، النّاس سألوهُم أن يَكَلِّموهُم بِالكَلام دا السَّبِت الجّاي.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 13:50

و لَكِن اليَهود حَرَّكو النِّسوان البِخافو و المُحتَرَمات و رؤساء المَدينَه. و هُم حَرَّكو ضيق عَلى بُولُس و بَرْنَابَا و طَرَدوهُم مِن بَلَدُم.

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 17:4

و بَعَض مِنَّهُم قِبِلو الكِلمَه، و جَمَعو لِبُولُس و سِيلَا. و كَمان ناس كُتار عَمَلو زي دا مِن ناس إغريقيين البِخافو، و العَدَد ما كان صَغَيِر مِن النِّسوان كَمان.

كُولُوسِّي 4:11

و يَسُوع، الإسمو يُستُس، يَسَلِّم عَليكُم. و مِن المُطَهَّرين، ديل بَس بِشتَغِلو مَعاي لِمَلَكوت الله. و هُم بِقو تَعزيَه لَي.