أعمال الرُّسُل 18:6 - كِتاب العَهد الجَّديد مِن الكِتاب المُقَدَّس

⁶ لَكِن لَمّا اليَهود كانو بِقاوِمو و بِشتِموهو، بُولُس هَز هِدومو و قال ليهُم: ”دَمّكُم عَلى روسينكُم! أنا بِدون ذَنب. و مِن هَسَّع بَمشي لِلأُمَم.“

أعمال الرُّسُل 18:6 Iomraidhean Croise

مَتَّى 10:14

و إن كان أي زول ما يَقبَلكُم، ولّا يَسمَع كَلامكُم، أطلَعو بَرَّه مِن البيت دا ولّا مِن المَدينَه ديك و هِزّو التُّراب مِن رِجلينكُم.

مَتَّى 21:41

قالو ليهو: ”هو بِكتُل النّاس البَطّالين ديلاك كَتل بَطّال، و يَأجِّر جِنينة العِنَب لِمُزَارِعين تانيين بِدّوهو الثَّمار بِتاعو في وَكتو.“

مَتَّى 21:43

عَشان دا أقول ليكُم، بياخُد مَلَكوت الله مِنَّكُم و بِدّيهو لِناس تانيين يَجيبو ثَمَرو.“

مَتَّى 22:10

و الخَدّامين ديلاك مَرَقو لِلسِّكَك، و لَمّو كُل النّاس اللِقوهُم، البَطّالين و الكوَيسين. و مَحَل العِرس كان مَليان بِالضُّيوف.

مَتَّى 27:25

و كُل النّاس قالو: ”دَمّو عَلينا و عَلى أولادنا!“

مَتَّى 8:11

و أقول ليكُم، ناس كُتار بِجو مِن الشَّرق و مِن الغَرب و بِيَقعُدو مَعَ إِبْرَاهِيم و إِسْحَاق و يَعْقُوب في مَلَكوت السَّما.

لُوقَا 22:65

و هُم كانو يَقولو حاجات تانيَه كَتيرَه عَليهو و يَجَدِّفو.

لُوقَا 9:5

و كُل الما يَقبَلوكُم، لَمّا تَمرُقو مِن البَلَد ديك، هِزّو التُّراب مِن عَلى رِجلينكُم عَشان شَهادَه عَليهُم.“

أعمال الرُّسُل 13:51

و لَكِن هُم هَزّو التُّراب مِن كِرعينُم، و جو لِإِيْقُونِيَه.

أعمال الرُّسُل 26:11

و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

أعمال الرُّسُل 26:20

لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

أعمال الرُّسُل 28:28

فِشان كِدا، أنا دَايِركُم تَعرِفو خَلاص الله دا كان مُرسَل لِلأُمَم، و هُم بِيَسمَعو.“

رُومِيَه 3:29

الله لِليَهود بَس؟ هو ما لِلأُمَم كَمان؟ أيوَه، لِلأُمَم كَمان.

١ تِيمُوثَاوُس 5:22

ما تَخُت إيدينَك عَلى أي واحِد بِالسُّرعَه. و ما تَشتَرِك في خَطايا التّانيين. أحفَظ نَفسَك بِقَلِب نَضيف.

٢ تِيمُوثَاوُس 2:25

و البِعاكِسوهو، يَعَلِّمُم بِطَريق لَطيف عَشان يِمكِن الله بِدّيهُم التّوبَه لِمَعرِفَة الحَق.

١ بُطْرُس 4:14

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.

١ بُطْرُس 4:4

هُم يِستَغرَبو أنَّكُم ما بِتَجرو مَعاهُم لِزيادَة السَّفاهَه زاتا. و يَشتِموكُم.