أعمال الرُّسُل 16:23 - كِتاب العَهد الجَّديد مِن الكِتاب المُقَدَّس

²³ و لَمّا ضَرَبوهُم ضَرَبات كَتيرَه، رَموهُم في السِّجِن. و أمَرو السَّجّان يَحرِسُم بِالتَّمام.

أعمال الرُّسُل 16:23 Iomraidhean Croise

مَتَّى 26:48

و هو السَّلّم يَسُوع كان أدّاهُم عَلامَه، و قال: ”الأنا بَسَلِّم عَليهو سَلام شَديد، دا هو. أمسِكوهو.“

لُوقَا 21:12

لَكِن قُبّال دا كُلّو، بِمسِكوكُم و يَطرُدوكُم، و بِسَلِّموكُم لِبِيوت الرَّب و السُّجون. و بِسوقوكُم قِدّام المُلوك و المُديرين فِشان إسمي.

أعمال الرُّسُل 12:18

و لَمّا بِقى النَّهار، كان في دَوشَه كَبيرَه جِدّاً بين العَساكِر و هُم قالو: ”شِنو حَصَل لِبُطْرُس؟“

أعمال الرُّسُل 12:4

و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.

أعمال الرُّسُل 16:27

و لَمّا السَّجّان قام مِن النّوم، و شاف أبواب السِّجِن مَفتوحَه، هو طَلَّع سيفو و كان عاوِز يَكتُل نَفسو، فِشان إفتَكَر كُل المَحبوسين هَرَبو.

أعمال الرُّسُل 16:36

و السَّجّان خَبَّر بُولُس بِالكَلام دا: ”القُضاة رَسَّلو عَشان يَفِكّوكُم. هَسَّع أمرُقو و أمشو بِسَلام.“

أعمال الرُّسُل 5:18

و قَبَضو عَلى الرُّسُل، و خَتّوهُم في السِّجِن البِكون لِكُل النّاس.

أعمال الرُّسُل 5:23

و قالو: ”لِقينا السِّجِن مَقفول شَديد و الحارِسين واقفين قِدّام الأبواب، و لَكِن لَمّا فَتَحناها، ما لِقينا واحِد جُوَّه.“

أعمال الرُّسُل 8:3

و لَكِن شَاوُل كان بِخَسِّر الكَنيسَه، و بِدخُل البِيوت، و بِجُر الرُّجال و النِّسوان، و بِخُتُّم في السِّجِن.

أعمال الرُّسُل 9:2

و طَلَب مِنّو جَوابات لِبِيوت الرَّب بِتاعَت اليَهود في دِمَشق، عَشان إذا لِقى ناس الطَّريق، رُجال و نِسوان، بِسوقُم مَربوطين لِأُورُشَلِيم.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 6:5

في ضَرَبات، و في سُجون، و في دَوشَه، و في تَعب شَديد، و في ليالي بِدون نوم، و في جوع.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.