أعمال الرُّسُل 16:19 - كِتاب العَهد الجَّديد مِن الكِتاب المُقَدَّس

¹⁹ و وَكِت أسيادا شافو ما قِدرو يَكسِبو قُروش مِنَّها بَعَد دا، قَبَضو عَلى بُولُس و سِيلَا، و جَرّوهُم لِلسّوق قِدّام الحُكّام.

أعمال الرُّسُل 16:19 Iomraidhean Croise

مَتَّى 24:9

بَعدين هُم بِسَلِّموكُم لِلضّيق و بِكتُلوكُم. و كُلّو ناس الدُّنيا بِيَكرَهوكُم عَشان إسمي.

مَرْقُس 13:9

لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 14:5

و لَمّا الأُمَم و اليَهود مَعَ رؤساهُم كانو عاوزين يَشتِموهُم و يَرموهُم بِالحُجار،

أعمال الرُّسُل 15:22

في الوَكِت دا، الرُّسُل و الشُّيوخ مَعَ كُل الكَنيسَه شافو إنّو كوَيس يَختارو مِنَّهُم راجلين، و يَرَسِّلوهُم لِأَنْطَاكِيَه مَعَ بُولُس و بَرْنَابَا. و إختارو يَهُوذَا الإسمو بَرسابا، و سِيلَا، راجلين مَعروفين بين الأخوان.

أعمال الرُّسُل 15:26

و هُم راجلين خاطَرو بِحَياتُم فِشان إسِم رَبَّنا يَسُوع المَسيح.

أعمال الرُّسُل 15:40

لَكِن بُولُس إختار سِيلَا، و مَرَق بَعَد ما الأخوان قَدَّموهو لِنِعمَة الله.

أعمال الرُّسُل 16:16

و حَصَل وَكِت ما نِحنا كُنّا ماشين لِمَكان الصَّلاه، قابَلتنا خَدّامَه بِتَعمِل حاجات بِالسِّحِر. و كانَت بِتجيب لِأسيادا قُروش كَتيرَه بِالسِّحِر بِتِاعا.

أعمال الرُّسُل 16:20

و جابوهُم لِلقُضاة و قالو: ”الرّاجلين ديل مِن ناس اليَهود. و هُم يَلَخبِتو بَلَدنا.

أعمال الرُّسُل 16:25

و في نُص اللّيل تَقريباً، بُولُس و سِيلَا كانو يَصَلّو و يَرَتِّلو لِلَّه، و المَحبوسين يَسمَعوهُم.

أعمال الرُّسُل 16:29

و طَلَب فانوس، و جَرى لِجُوَّه، و وَقَع قِدّام بُولُس و سِيلَا و هو يَرجِف مِن الخوف.

أعمال الرُّسُل 17:6

و لَمّا ما لِقوهُم، جَرّو ياسون و بَعَض الأخوان لِسَلاطين المَدينَه، و هُم يَكورِكو: ”ديل القَلَبو الدُّنيا، جو هِنا كَمان.

أعمال الرُّسُل 21:30

و كُل المَدينَه إتحَرَّكَت، و النّاس جَرو سَوّا. و قَبَضو بُولُس، و جَرّوهو بَرَّه مِن الهيكَل. و طَوّالي قَفَلو الأبواب.

أعمال الرُّسُل 8:3

و لَكِن شَاوُل كان بِخَسِّر الكَنيسَه، و بِدخُل البِيوت، و بِجُر الرُّجال و النِّسوان، و بِخُتُّم في السِّجِن.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

٢ كُورِنْثُوس 6:5

في ضَرَبات، و في سُجون، و في دَوشَه، و في تَعب شَديد، و في ليالي بِدون نوم، و في جوع.

فيلِبّي 1:30

و ليكُم نَفس التَّعب الإنتو شُفتوني فيهو، و هَسَّع تَسمَعو إنّي فيهو.

١ تَسَالُونِيكِي 2:2

و تِعِبنا قَبل كِدا، و شَتَمونا في فيلِبّي، زي ما إنتو عارفين. لَكِن شَجَّعنا في إلَهنا أن نَكَلِّمكُم بِإنجيل الله، و لَو هُم قاوَمونا شَديد.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

يَعْقُوب 2:6

لَكِن إنتو شَتَمتو المِسكين. الغَنيين ما يَظلُموكُم و يَجُروكُم لِلمَحكَمَه؟