أعمال الرُّسُل 15:8 - كِتاب العَهد الجَّديد مِن الكِتاب المُقَدَّس

⁸ و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

أعمال الرُّسُل 15:8 Iomraidhean Croise

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

يُوحَنَّا 5:37

و الأبو نَفسو الرَّسَّلني يَشهَد لَي، و إنتو ما سِمِعتو صوتو أبَداً، و ما شُفتو شَكلو.

أعمال الرُّسُل 1:24

و صَلّو و قالو: ”يا رَب البِعرِف قُلوب النّاس كُلّو، وَرّينا ياتو مِن الإتنين ديل الأنتَ إختِرتو

أعمال الرُّسُل 10:47

في الوَكِت دا، بُطْرُس قال ليهُم: ”في واحِد البِقدَر يَمنَع النّاس ديل مِن المَعموديَّه بِالمويَه؟ عَشان هُم قِبلو الرّوح القُدُس زيَنا.“

أعمال الرُّسُل 14:3

و بُولُس و بَرْنَابَا قَعَدو وَكِت طَويل، يِتكَلَّمو بِدون خوف عَن الرَّب. و الرَّب كان بِشهَد لِكِلمَة نِعمَتو، و بِدّيهُم قُوَّه لِيَعمِلو عَلامات و عَجايِب.

أعمال الرُّسُل 15:28

و كان كوَيس لِلرّوح القُدُس و لينا، أن ما نَخُت عَليكُم حِمِل فوق الحاجات الجّايَه دي:

أعمال الرُّسُل 2:4

و كُلُّهُم كانو مَليانين مِن الرّوح القُدُس، و بَدو يِتكَلَّمو بِلُغات مُختَلِفَه زي ما أدّاهُم الرّوح القُوَّه عَشان يِتكَلَّمو.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

عِبرانيين 4:13

ما في أي حاجَه مَدسوسَه مِن الله، لَكِن كُلّو حاجَه عَريانَه و مَفتوحَه قِدّام عُيون الله. و نِحنا لازِم نَدّيهو حِساب.

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.