أعمال الرُّسُل 15:36 - كِتاب العَهد الجَّديد مِن الكِتاب المُقَدَّس

³⁶ و بَعَد وَكِت، بُولُس قال لِبَرْنَابَا: ”خَلّونا نَرجَع و نَزور الأخوان في كُلّو مَدينَه البَشَّرنا فيها بِكِلمَة الرَّب، و نَشوف كيف هُم بيَعمِلو.“

أعمال الرُّسُل 15:36 Iomraidhean Croise

مَتَّى 25:36

ما كان عِندي هِدوم، و إنتو لَبَّستوني. كُنتَ عَيّان، و إنتو زُرتوني. كُنتَ في السِّجِن، و إنتو جيتو لَي.

مَتَّى 25:43

كُنتَ غَريب، و إنتو ما عَزَمتوني. كُنتَ عَريان، و ما لَبَّستوني. كُنتَ عَيّان و في السِّجِن و ما جيتو تَزوروني.

أعمال الرُّسُل 13:12

و لَمّا المُدير شاف الحَصَل، هو آمَن، و كان مُستَغرَب مِن تَعليم الرَّب.

أعمال الرُّسُل 13:4

و الأتنين ديل، مُرَسَّلين بِالرّوح القُدُس، نَزَلو لِسَلوكيَه. و مِن هِناك، سافَرو في البَحَر لِقُبرُص.

أعمال الرُّسُل 13:51

و لَكِن هُم هَزّو التُّراب مِن كِرعينُم، و جو لِإِيْقُونِيَه.

أعمال الرُّسُل 14:1

و في إِيْقُونِيَه، بُولُس و بَرْنَابَا دَخَلو سَوا لِبيت الرَّب اليَهودي. و إتكَلَّمو بِالقُوَّه حَتّى عَدَد كَبير مِن اليَهود و ناس إغريقيين آمَنو.

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

أعمال الرُّسُل 14:6

هُم سِمِعو بيهو، و هَرَبو لِمُدُن لِسترَه و دَربَه في لِكأونيَّه، و لِلبِلاد القَريبَه.

أعمال الرُّسُل 7:23

و وَكِت عُمر مُوسَى بِقى أربَعين سَنَه، دَخَل في قَلبو يَزور أخوانو بَني إِسْرَائِيل.

رُومِيَه 1:11

أنا داير أشوفكُم كَتير عَشان بَدّيكُم بَعض مِن الهَدايا البِكون مِن الرّوح عَشان تَبقو قَوّيين.

٢ كُورِنْثُوس 11:28

و فوق كُلّو دا، الحاجات المِن بَرَّه، كُلّو يوم أنا تِحِت حِمِل الإهتِمام بِكُل الكَنايس.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

١ تَسَالُونِيكِي 3:6

و لَكِن هَسَّع تِيمُوثَاوُس جا لينا مِنَّكُم، و بَشَّرنا بِإيمانكُم و مَحَبَّتكُم. و هو خَبَّرنا كيف إنتو دايماً تِتذَكَّرونا بِلُطف، و عاوِزين بِشِدَّه تَشوفونا. و نِحنا كَمان عاوِزين بِشِدَّه نَشوفكُم.

٢ تِيمُوثَاوُس 1:4

و لَمّا أتزَكَّر دِموعَك، بَحِب أشوفَك، عَشان بَكون مَليان بِفَرَح.