أعمال الرُّسُل 14:26 - كِتاب العَهد الجَّديد مِن الكِتاب المُقَدَّس

²⁶ و مِن هِناك سافَرو في البَحَر لِأَنْطَاكِيَه، المَحَل الفيهو الكَنيسَه كانَت قَدَّمَتُم في الأوَّل لِنِعمَة الله لِلعَمَل الهَسَّع كَمَلوهو.

أعمال الرُّسُل 14:26 Iomraidhean Croise

أعمال الرُّسُل 11:19

و الإتشَتَّتو بِواسطَة التَّعب الحَصَل بِسَبَب اسْتِفَانُوس، سافَرو لِفِينِيقِيَه و قُبرُص و أَنْطَاكِيَه. و هُم ما بِكَلِّمو أي واحِد بِالكِلمَه إلّا اليَهود بَس.

أعمال الرُّسُل 11:20

و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

أعمال الرُّسُل 11:26

و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

أعمال الرُّسُل 11:27

و في الأيام ديلاك، أنبياء نَزَلو مِن أُورُشَلِيم لِأَنْطَاكِيَه.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 15:22

في الوَكِت دا، الرُّسُل و الشُّيوخ مَعَ كُل الكَنيسَه شافو إنّو كوَيس يَختارو مِنَّهُم راجلين، و يَرَسِّلوهُم لِأَنْطَاكِيَه مَعَ بُولُس و بَرْنَابَا. و إختارو يَهُوذَا الإسمو بَرسابا، و سِيلَا، راجلين مَعروفين بين الأخوان.

أعمال الرُّسُل 15:30

و لَمّا رَسَّلوهُم، ديل مَرَقو لِأَنْطَاكِيَه و لَمّو النّاس، و سَلَّمو ليهُم الجَّواب.

أعمال الرُّسُل 15:40

لَكِن بُولُس إختار سِيلَا، و مَرَق بَعَد ما الأخوان قَدَّموهو لِنِعمَة الله.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

غَلَاطِيَّه 2:11

لَكِن لَمّا بُطْرُس جا لِأَنْطَاكِيَه، أنا عاكَستو لِوَشّو، عَشان الحَق كان عَليهو.

كُولُوسِّي 1:25

و أنا بِقيت خَدّام حَسَب المُسؤليَه الأدّاني الله فِشانكُم. و عِندي المُسؤليَه دي عَشان أدّيكُم مَعرِفَه كاملَه في كِلمَة الله،

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

كُولُوسِّي 4:17

و قولو لِلأَرْخِبُّس: ”شوف الخِدمَه الأنتَ قِبِلتا مِن الرَّب، عَشان تَكَمِّلا.“

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.