أعمال الرُّسُل 14:23 - كِتاب العَهد الجَّديد مِن الكِتاب المُقَدَّس

²³ و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 14:23 Iomraidhean Croise

مَتَّى 17:21

و لَكِن النوع دا ما بِطلَع إلّا بِالصَّلاه و الصّوم.“

مَرْقُس 3:14

و هو إختار مِنَّهُم إتناشَر عَشان يَكونو مَعاهو، و عَشان يَرَسِّلُم لِيَبَشِّرو

لُوقَا 2:37

و هي أرمَلَه عُمُرا أربَعَه و تَمانين سَنَه. و ما كانَت بِتخَلّي الهيكَل، بِتَخدِم بِصوم و صَلاه ليل و نَهار.

لُوقَا 23:46

و يَسُوع كورَك بِصوت عالي و قال: ”يا أبوي، في إيدينَك أدّيت روحي.“ و لَمّا قال كِدا سَلّم روحو.

أعمال الرُّسُل 1:22

مِن مَعموديَّة يُوحَنَّا لِليوم الفيهو أخَدوهو مِنَّنا. عَلَشان واحِد مِنَّهُم لازِم بِكون شاهِد مَعانا بِقِيامتو.“

أعمال الرُّسُل 1:24

و صَلّو و قالو: ”يا رَب البِعرِف قُلوب النّاس كُلّو، وَرّينا ياتو مِن الإتنين ديل الأنتَ إختِرتو

أعمال الرُّسُل 11:30

و عَمَلو كِدا، و رَسَّلَوهو لِلشُّيوخ بِإيدين بَرْنَابَا و شَاوُل.

أعمال الرُّسُل 14:26

و مِن هِناك سافَرو في البَحَر لِأَنْطَاكِيَه، المَحَل الفيهو الكَنيسَه كانَت قَدَّمَتُم في الأوَّل لِنِعمَة الله لِلعَمَل الهَسَّع كَمَلوهو.

أعمال الرُّسُل 15:23

و كَتَبو الجَّواب، و رَسَّلَوهو مَعاهُم. و الجَّواب قال: ”مِن الأخوان، الرُّسُل و الشُّيوخ لِلأخوان مِن الأُمَم في أَنْطَاكِيَه و سُورِيَّه و كِيلِيكِيَّا. نَسَلِّم عَليكُم.

أعمال الرُّسُل 15:4

و لَمَّن وِصلو لِأُورُشَلِيم، الكَنيسَه و الرُّسُل و الشُّيوخ قابَلَتُم. و خَبَّروهُم بِكُل العَمَلو الله مَعاهُم.

أعمال الرُّسُل 15:6

و الرُّسُل و الشُّيوخ إتلَمّو عَشان يَشوفو الحاجَه دي.

أعمال الرُّسُل 20:17

و مِن مِيلِيتُس بُولُس رَسَّل، و نادى شُيوخ الكَنيسَه.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

٢ كُورِنْثُوس 8:19

و مُش دا بَس، لَكِن هو كان مُختار بِالكَنايس عَشان يَسافِر مَعانا فِشان النِّعمَه دي، النَخدِما لِمَجد الرَّب نَفسو. و بِدا نَوَرّيهُم نِحنا عاوِزين نَساعِد.

١ تِيمُوثَاوُس 5:1

ما تَوَبِّخ الشّيخ لَكِن أدّيهو نَصيحَه زي أبو، الشَّباب زي أخوان،

١ تِيمُوثَاوُس 5:22

ما تَخُت إيدينَك عَلى أي واحِد بِالسُّرعَه. و ما تَشتَرِك في خَطايا التّانيين. أحفَظ نَفسَك بِقَلِب نَضيف.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

تِيطُس 1:5

أنا سيبتَك في كَريت لِلسَّبَب دا، عَلَشان تَرَتِّب الحاجات النّاقصَه، و تَختار شُيوخ في كُلّو مَدينَه زي ما أمَرتَك.

يَعْقُوب 5:14

أي واحِد بينكُم عَيّان؟ خَليهو يَنادي شُيوخ الكَنيسَه عَشان يَصَلّو ليهو، و يَمسَحوهو بِزيت بِإسم الرَّب.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

٢ يُوحَنَّا 1:1

مِن الشّيخ لِلسَّيِّدَه المُختارَه و لِأولادا الأنا بَحِبُّم في الحَق، و ما أنا بَس، لَكِن كُل البِعرِفو الحَق كَمان.

٣ يُوحَنَّا 1:1

مِن الشّيخ لِغَايُوس الحَبيب، البَحِبّو في الحَق.