أعمال الرُّسُل 14:22 - كِتاب العَهد الجَّديد مِن الكِتاب المُقَدَّس

²² يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 14:22 Iomraidhean Croise

مَتَّى 10:38

و الما بياخُد صَليبو و يَتبَعني ما مُستَحِقّني.

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

مَتَّى 19:24

و أنا بَقول ليكُم كَمان، بِكون أسهَل لِجَمَل يَدخُل في عين إبرَه مِن أن غَني يَدخُل مَلَكوت الله.“

مَرْقُس 10:30

إلّا يَقبَل مِيَّة مَرَّه هَسَّع في الزَّمَن دا: بُيوت، و أخوان، و أخوات، و أُمَّهات، و أولاد، و زِراعات مَعَ طَرد، و في الزَّمَن الجّاي الحَياة الأبَديَّه.

مَرْقُس 9:47

و إذا عينَك سَبَب خَطيَّتَك، طَلِّعا. أحسَن تَدخُل مَلَكوت الله بِعين واحدَه مِن أن يَرموك في جَهَنَّم و عِندَك عُيون،

لُوقَا 24:26

المَسيح ما كان لازِم يِتوَجَّع بِالحاجات دي و يَدخُل مَجدو؟“

يُوحَنَّا 15:18

إذا ناس الدُّنيا بِكرَهوكُم، أعرِفو هُم كِرِهوني قُبّالكُم.

يُوحَنَّا 15:20

إتزَكَّرو الكَلام القُلتو ليكُم: الخَدّام ما أكبَر مِن سيدو. إذا طَرَدوني، هُم ماشين بِطرُدوكُم. و إذا كانو حَفَظو كَلامي، هُم بِحفَظو كَلامكُم.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

أعمال الرُّسُل 11:26

و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 14:20

و لَكِن لَمّا التَّلاميذ وَقَفو حَواليهو، هو قام و دَخَل المَدينَه. و اليوم البَعدو، هو مَرَق مَعَ بَرْنَابَا لِدَربَه.

أعمال الرُّسُل 14:28

و هُم قَعَدو مَعَ التَّلاميذ مُدَّه طَويلَه.

أعمال الرُّسُل 15:32

و يَهُوذَا و سِيلَا، و هُم كَمان كانو أنبياء، بِشَّرو الأخوان بِكَلام كَتير، و شَدَّدوهُم.

أعمال الرُّسُل 15:41

و مَرَّه بِسُورِيَّه و كِيلِيكِيَّا يَشَدِّد الكَنايس.

أعمال الرُّسُل 18:23

و بَعَد ما إستَنّى مُدَّه في أَنْطَاكِيَه، مَرَق و مَرَّه بِالتَّرتيب بِمَحَلّات غَلَاطِيَّه و فَرِيجِيَّه يَشَدِّد كُل التَّلاميذ.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

١ تَسَالُونِيكِي 3:13

عَشان يَشَدِّد قُلوبكُم بِدون لوم في القَداسَه قِدّام الله أبونا لَمّا رَبَّنا يَسُوع المَسيح بِجي مَعَ كُلّو قِدِّسِينو.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

٢ تِيمُوثَاوُس 3:12

و بِالحَق بِطرُدو كُل العاوزين يَعِيشو في خوف الله في المَسيح يَسُوع.

١ بُطْرُس 2:21

الله ناداكُم لِدا، عَشان المَسيح كَمان إتوَجَّع عَشان خاطِركُم، و خَلّى ليكُم مَثَل، عَشان تَتبَعو دَربو.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ بُطْرُس 5:9

قاوموهو، كونو ثابِتين في الإيمان، عارِفين أخوانكُم الفي الدُّنيا يِتحَمَّلَو زات الأتعاب دي.

٢ بُطْرُس 1:11

و كِدا بِكون مُجَهَّز ليكُم دُخول بِغِنى لِمَلَكوت رَبَّنا و مُخَلِّصنا يَسُوع المَسيح الأبَدي.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.