أعمال الرُّسُل 14:1 - كِتاب العَهد الجَّديد مِن الكِتاب المُقَدَّس

¹ و في إِيْقُونِيَه، بُولُس و بَرْنَابَا دَخَلو سَوا لِبيت الرَّب اليَهودي. و إتكَلَّمو بِالقُوَّه حَتّى عَدَد كَبير مِن اليَهود و ناس إغريقيين آمَنو.

أعمال الرُّسُل 14:1 Iomraidhean Croise

مَرْقُس 7:26

و هي كانَت مَرَه مِن ناس إغريقيين، جِنسا فينيقِيَّه سُورِيَّه. و طَلَبَت مِنّو يَطَلِّع الشّيطان مِن بِتّا.

يُوحَنَّا 12:20

و بين النّاس الطَّلَعو عَشان يَعبُدو في العيد، بَعض مِنَّهُم كانو ناس إغريقيين.

يُوحَنَّا 7:35

اليَهود قالو الواحِد لِلتاني: ”الرّاجِل دا عاوِز يَمشي وين حَتّى نِحنا ما ماشين نَلقاهو؟ هو عاوِز يَمشي لِشَعبنا السّاكنين في اليونان و يَعَلِّم اليونانيين؟

أعمال الرُّسُل 11:21

و إيد الرَّب كانَت مَعاهُم. و عَدَد كَبير مِن النّاس آمَنو و رَجَعو لِلرَّب.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 13:5

و لَمّا وِصلو لِسَلاميس، هُم خَبَّرو بِكِلمَة الله في بُيوت الرَّب بِتاعَت اليَهود. و يُوحَنَّا كان مَعاهُم مُساعِد ليهُم.

أعمال الرُّسُل 13:51

و لَكِن هُم هَزّو التُّراب مِن كِرعينُم، و جو لِإِيْقُونِيَه.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 14:2

لَكِن الما آمَنو مِن اليَهود حَرَّكو نُفوس الأُمَم، و حَيَّرو أفكارُم عَشان يَكونو ضِد الأخوان.

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

أعمال الرُّسُل 16:1

و بُولُس جا لِدَربَه و لِسترَه. و كان هِناك تِلميذ إسمو تِيمُوثَاوُس، وَلَد مَرَه يَهُودِيَّه، مِآمِنَه، و لَكِن أبوهو كان إغريقي.

أعمال الرُّسُل 16:2

و الأخوان الفي لِسترَه و إِيْقُونِيَه كانو يَقولو تِيمُوثَاوُس شاب طَيب.

أعمال الرُّسُل 17:12

و كَتيرين مِنَّهُم آمَنو، و كَمان عَدَد ما قَليل مِن ناس إغريقيين، مِن النِّسوان المُحتَرَمات و مِن الرُّجال.

أعمال الرُّسُل 17:17

و كان بِخَبِّر اليَهود و النّاس البِخافو، في بيت الرَّب، و النّاس الهو قابِلُم في السّوق كُلّو يوم.

أعمال الرُّسُل 17:4

و بَعَض مِنَّهُم قِبِلو الكِلمَه، و جَمَعو لِبُولُس و سِيلَا. و كَمان ناس كُتار عَمَلو زي دا مِن ناس إغريقيين البِخافو، و العَدَد ما كان صَغَيِر مِن النِّسوان كَمان.

أعمال الرُّسُل 18:4

و هو كان بِتكَلَّم في بيت الرَّب كُلّو سَبِت، و يَرَضّي اليَهود و ناس إغريقيين.

أعمال الرُّسُل 18:8

و كِرِيسْبُس، رَئيس بيت الرَّب، آمَن بالرَب مَعَ كُلّو ناس بيتو. و كَتيرين مِن الكُورِنْثُوس السِّمِعو، آمَنو و إتعَمَّدو.

أعمال الرُّسُل 19:10

و إستَمَرَّ كِدا لِمُدَّة سَنَتين، لِغايَة كُل السّاكنين في آسيا مِن يَهود و ناس إغريقيين سِمِعو كِلمَة الرَّب.

أعمال الرُّسُل 19:17

و دا بِقى مَعروف لِكُل اليَهود و ناس إغريقيين السّاكنين في أفَسُس. و كُلُّهُم خافو، و مَجَّدو إسم الرَّب يَسُوع.

أعمال الرُّسُل 19:8

و بُولُس دَخَل بيت الرَّب. و كان بِتكَلَّم بِدون خوف مُدَّة تلاتَه شُهور، يِتفاكَر و يَرَضّي عَن حاجات مَلَكوت الله.

أعمال الرُّسُل 2:47

و كانو يَحمَدو الله و يَلقو نِعمَه قِدّام كُل النّاس. و الرَّب جَمَع لِلكَنيسَه كُلّو يوم الكانو بِخلَصو.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 21:28

و كورَكو: ”يا رُجال إِسْرَائِيل، ساعِدونا! دا هو الرّاجِل البِعَلِّم كُل النّاس في كُلّو مَكان ضِد الشَّعب و القانون و المَحَل دا. و هو كَمان جاب ناس إغريقيين لِلهيكَل، و نَجَّس المَحَل المُقَدَّس دا.“

أعمال الرُّسُل 9:20

و طَوّالي إبتَدا يَبَشِّر في بِيوت الرَّب بِيَسُوع إنّو إبن الله.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 10:12

عَشان ما في فارِق بين اليَهودي و الإغريقي، عَشان في رَب واحِد لِلكُل، و هو غَني لِكُل البِنادو ليهو.

غَلَاطِيَّه 2:3

لَكِن تِيطُس، الكان مَعاي، و هو إغريقي، ما جَبَروهو يَكون مُطَهَّر.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.