أعمال الرُّسُل 13:48 - كِتاب العَهد الجَّديد مِن الكِتاب المُقَدَّس

⁴⁸ و لَمّا الأُمَم سِمِعو دا، فِرحو و مَجَّدو كِلمَة الرَّب. و كُل الهو إختارُم لِلحَياة الأبَديَّه، آمَنو.

أعمال الرُّسُل 13:48 Iomraidhean Croise

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

مَتَّى 28:16

و لَكِن الحِداشَر تِلميذ مَشو لِلجَّليل، لِلجَّبَل الأمَرُم يَسُوع أن يَمشو ليهو.

لُوقَا 7:8

عَشان أنا كَمان راجِل تِحِت السُّلطَه، و عِندي عَساكِر تِحِت إيدي. أقول لِدا: أمشي، و يَمشي. و لِتاني: تَعال، و يَجي. و لِخَدّامي: أعمِل دا، و يَعمِلو.“

يُوحَنَّا 10:16

و أنا عِندي خِرفان تانيين، و هُم ما مِن الزَّريبَه دي. ديل كَمان لازِم أجيبُم. و هُم بِسمَعو صوتي. و بَعدين يَكون مُراح واحِد و راعي واحِد.

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

أعمال الرُّسُل 13:12

و لَمّا المُدير شاف الحَصَل، هو آمَن، و كان مُستَغرَب مِن تَعليم الرَّب.

أعمال الرُّسُل 13:42

و وَكِت بُولُس و بَرْنَابَا كانو يَمرُقو، النّاس سألوهُم أن يَكَلِّموهُم بِالكَلام دا السَّبِت الجّاي.

أعمال الرُّسُل 15:2

و حَصَل لِبُولُس و بَرْنَابَا مُشاكَلَه و كَلام كَتير مَعاهُم. عَلَشان كِدا، إختارو بُولُس و بَرْنَابَا و ناس تانيين مِنَّهُم يَمشو لِأُورُشَلِيم لِلرُّسُل و الشُّيوخ فِشان السّؤَال دا.

أعمال الرُّسُل 15:31

و لَمّا النّاس قَروهو، هُم فِرحو بِالتَّعزيَه دي.

أعمال الرُّسُل 2:41

و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.

أعمال الرُّسُل 2:47

و كانو يَحمَدو الله و يَلقو نِعمَه قِدّام كُل النّاس. و الرَّب جَمَع لِلكَنيسَه كُلّو يوم الكانو بِخلَصو.

أعمال الرُّسُل 20:13

لَكِن نِحنا مَشينا قِدّامو لِلمُركَب، و سافَرنا بِمُركَب لِأسّوس. و كُنّا عاوزين ناخُد بُولُس مِن هِناك، عَشان بُولُس كان عَمَل التَّرتيب دا، عَلَشانو عاوِز يَمشي عَلى كِراعو.

أعمال الرُّسُل 22:10

و قُلتَ: بَعمِل شِنو، يا رَب؟ و الرَّب قال لَي: قوم و أمشي لِدِمَشق، و هِناك بِقولو ليك عَن كُل المَجَهَّز ليك تَعمِل.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 8:8

و النّاس الفي المَدينَه دي بِقو مَبسوطين جِدّاً.

رُومِيَه 11:7

و بَعَد دا شِنو؟ الطَّلَبو إِسْرَائِيل، ما أخَدوهو، لَكِن المُختارين أخَدوهو. و التّانيين روسينُم بِقو قَوّيَّه.

رُومِيَه 13:1

خَلّي كُلّو واحِد يَطيع السَّلاطين البِحكُمو، عَلَشان ما في سُلطَه، إلّا مِن الله. عَشان الله ثَبَّت السَّلاطين المَوجودين.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

١ كُورِنْثُوس 16:15

إنتو بِتَعرِفو ناس بيت اسْتِفَانَاس أوَّل ثِمار أَخَائِيَه، و كيف هُم أدّو نُفوسُم لِخِدمَة القِدِّسين. أطلُبو ليكُم، يا أخوان،

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

أفَسُس 1:19

و بَصَلّي عَشانكُم تَعرِفو قُوَّتو الكَبيرَه لينا. و القُوَّه دي فوق كُلّو شي و بِتساعِدنا المؤمِنين.

أفَسُس 1:4

عَشان هو إختارنا مِن قُبّال خَليقَة الدُّنيا عَشان نَكون قِدِّيسين و بِدون لوم قِدّامو.

أفَسُس 1:5

و في المَحَبَّه، إختارنا مِن قُبّال عَشان يَعمِلنا أولاد لِنَفسو بِيَسُوع المَسيح، حَسَب فَرَحو و إرَادَتو.

٢ تَسَالُونِيكِي 3:1

في الآخِر، يا أخوان، صَلّو فِشانّا، عَلَشان كِلمَة الرَّب تَجري و تِتمَجَّد زي ما عَمَلَت مَعاكُم كَمان.