أعمال الرُّسُل 13:43 - كِتاب العَهد الجَّديد مِن الكِتاب المُقَدَّس

⁴³ و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 13:43 Iomraidhean Croise

مَتَّى 23:15

حُزن ليكُم، يا مُعَلِّمين القانون و الفَرّيسيّين، المُنافِقين! عَشان تَقطَعو البَحَر و الأرض عَشان تَرَجِّعو زول واحِد لِلَّه. و لَمّا يَرجَع، تَعمِلوهو وَلَد لِجَهَنَّم أكتَر مِنَّكُم مَرَّتين.

أعمال الرُّسُل 11:23

و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

أعمال الرُّسُل 13:50

و لَكِن اليَهود حَرَّكو النِّسوان البِخافو و المُحتَرَمات و رؤساء المَدينَه. و هُم حَرَّكو ضيق عَلى بُولُس و بَرْنَابَا و طَرَدوهُم مِن بَلَدُم.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 14:3

و بُولُس و بَرْنَابَا قَعَدو وَكِت طَويل، يِتكَلَّمو بِدون خوف عَن الرَّب. و الرَّب كان بِشهَد لِكِلمَة نِعمَتو، و بِدّيهُم قُوَّه لِيَعمِلو عَلامات و عَجايِب.

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 17:17

و كان بِخَبِّر اليَهود و النّاس البِخافو، في بيت الرَّب، و النّاس الهو قابِلُم في السّوق كُلّو يوم.

أعمال الرُّسُل 17:34

و لَكِن بَعض مِن النّاس إستَنّو مَعاهو و آمَنو، مِنَّهُم دِيُونِيسِيُوس مِن الأَرْيُوبَاغُوس، و مَرَه إسِما دَامَرِس، و تانيين مَعاهُم.

أعمال الرُّسُل 17:4

و بَعَض مِنَّهُم قِبِلو الكِلمَه، و جَمَعو لِبُولُس و سِيلَا. و كَمان ناس كُتار عَمَلو زي دا مِن ناس إغريقيين البِخافو، و العَدَد ما كان صَغَيِر مِن النِّسوان كَمان.

أعمال الرُّسُل 18:7

و مَرَق مِن بيت الرَّب، و جا لِبيت راجِل بِخاف الله، إسمو تِيطُس يُسْتُس. و بيتو كان جَنب بيت الرَّب.

أعمال الرُّسُل 2:10

و في فَرِيجِيَّه و في بَمْفِيلِيَّه و في مَصِر و أقسام لِيبِيَّا القَريبَه لِقيرَوان و ضُيوف مِن رُومِيَه، يَهود و مِصَدِّقين دين اليَهود.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 6:5

و كُل التَّلاميذ كانو مَبسوطين مِن الكَلام دا. و إختارو اسْتِفَانُوس، راجِل مَليان بِالإيمان و الرّوح القُدُس، و فِيلُبُّس و بُرُوخُورُس و نِيكَانُور و تِيمُون و بَرْمِينَاس و نِيقُولاوُس الصَّدَّق بِالدّين اليَهودي مِن أنطاكيّا.

رُومِيَه 11:6

و إذا كان بِالنِّعمَه، بَعَد دا ما بِالأعمال. عَشان إذا كان بِأعمال، نِعمَتو ما بِتكون نِعمَه صَحَيحَه.

رُومِيَه 3:24

و يِتبَرَّرو مَجّاناً، بِنِعمَتو، بِالفِداء الجّا بِيَسُوع المَسيح.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.

٢ كُورِنْثُوس 5:11

و ما دام بِنَعرِف خوف الرَّب، نَجَرِّب أن نَربَح النّاس. و نِحنا بَايِنين لِلَّه، و عِندي رَجاء بِقينا بَايِنين في ضَميركُم كَمان.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

غَلَاطِيَّه 5:1

عَشان المَسيح حَرَّرنا بِالحُرّيَّه دي، كونو ثابِتين فيها، و ما تَرجَعو تَطيعو لِنير العُبوديَه.

غَلَاطِيَّه 5:4

إنتو العاوزين تِتبَرَّرو بِالقانون، قَطَعوكُم مِن المَسيح، و وَقَعتو مِن النِّعمَه.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

فيلِبّي 3:16

لَكِن خَلّينا نَعيش بِالحَق لِلشّي الوِصِلنا ليهو.

فيلِبّي 4:1

عَلَشان دا، يا أخواني، إنتو الأنا بَحِبّكُم و عاوِز بِشِدَّه أشوفكُم، يا فَرَحي و تاجي، ثَبِّتو كِدا في الرَّب، يا مَحبوبين.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

تِيطُس 2:11

عَشان نِعمَة الله، البِتجيب خَلاص ظَهَرَت لِكُل النّاس.

عِبرانيين 12:15

شوفو كوَيس عَشان واحِد ما يَقَع مِن نِعمَة الله، و عَشان عِرق مِن قَلِب مُر ما يَقوم و يَكون سَبَب التَّعب، و ناس كُتار يِتوَسَّخو.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.