أعمال الرُّسُل 13:39 - كِتاب العَهد الجَّديد مِن الكِتاب المُقَدَّس

³⁹ و بيهو كُلّو واحِد البِآمِن، يِتبَرَّر مِن كُلّو شي قانون مُوسَى ما قِدِر يَعمِلو بار.

أعمال الرُّسُل 13:39 Iomraidhean Croise

لُوقَا 10:25

و شوف! راجِل عِرِف القانون قام يَجَرِّبو و قال: ”يا مُعَلِّم، أعمِل شِنو عَشان ألقى الحَياة الأبَديَّه؟“

لُوقَا 10:28

و قال ليهو: ”جاوَبتَ بِالحَق. أعمِل كِدا و تَحيى.“

لُوقَا 18:14

بَقول ليكُم: الزّول دا مَشى لِبيتو مَبَرَّر عَن التّاني، عَشان كُلّو واحِد اليَرفَع نَفسو يَخُتّوهو تِحِت، و اليَخُت نَفسو تِحِت يَرفَعوهو.“

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

رُومِيَه 10:10

عَشان الإنسان بِآمِنو بِالقَلب لِلبِر، و بِعتَرِف بِالخَشم عَشان يَخلَص.

رُومِيَه 10:4

عَشان المَسيح نِهايَة القانون، عَلَشان يَكون في بِر لِكُلّو واحِد البِآمِن.

رُومِيَه 3:19

و نِحنا بِنَعرِف، كُل البِقولو القانون يَقولو ليهُم التِحِت القانون، عَشان يَقفِل كُلّو خَشم، و كُل الدُّنيا يَبقى تِحِت دينونَة الله.

رُومِيَه 3:20

عَلَشان كِدا، و لا زول يِتبَرَّر قِدّام الله بِأعمال القانون، عَشان بِالقانون يَجي مَعرِفَة الخَطيَّه.

رُومِيَه 4:15

فِشان القانون يَجيب الغَضَب. و المَكان الما فيهو قانون، ما فيهو ذَنب.

رُومِيَه 4:24

لَكِن فِشان نِحنا كَمان. عَشان الله يَسَوّينا بارين، نِحنا البِنآمِن بيهو القَوَّم رَبَّنا يَسُوع مِن بين المَيِّتين.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 5:20

القانون دَخَل عَشان الخَطيَّه تَزيد. لَكِن لَمّا الخَطيَّه زادَت، نِعمَة الله زادَت كَتير جِدّاً.

رُومِيَه 5:9

عَشان إتبَرَّرنا هَسَّع بِدَمّو، كيف بِالأكتَر جِدّاً بِنَخلَص بيهو مِن الغَضَب!

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

رُومِيَه 9:31

لَكِن إِسْرَائِيل و هُم طَلَبو البِر بِحَسَب القانون ما حَصَّلو عَليهو.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

غَلَاطِيَّه 2:16

و بِنَعرِف الزّول ما يِتبَرَّر بِأعمال القانون، لَكِن بِالإيمان بِيَسُوع المَسيح. نِحنا كَمان آمَنّا بِيَسُوع المَسيح عَشان نِتبَرَّر بِالإيمان بِالمَسيح، مُش بِأعمال القانون. عَلَشان و لا واحِد يِتبَرَّر بِأعمال القانون.

غَلَاطِيَّه 2:19

عَشان بِالقانون أنا مُتَّ لِلقانون، عَشان أعيش لِلَّه.

غَلَاطِيَّه 3:8

الكِتاب إتقَدَّم و شاف أن الله يَبَرِّر الأُمَم بِالإيمان. و بَشَّر إِبْرَاهِيم مِن قُبّال و قال: ”كُل الأُمَم يَكونو مُبارَكين فيك.“

غَلَاطِيَّه 5:3

و أشهَد كَمان لِكُلّو زول مُطَهَّر، هو لازِم يَطيع القانون كُلّو.

عِبرانيين 10:11

و كُلّو قَسّيس بِقيف كُلّو يوم و بِخدِم. و بِقَدِّم مَرّات كَتيرَه الضَّبايح ديل زاتا. لَكِن الضَّبايح ديل ما بِقدَرو يَشيلو الخَطايا أبَداً.

عِبرانيين 10:4

عَشان مُش مُمكِن أن دَم التّيران و الغَنَم يَشيلو الخَطايا.

عِبرانيين 7:19

عَشان القانون ما عَمَل أي شي كامِل. لَكِن رَجاء أحسَن جا، و بيهو نَقَرِّب لِلَّه.