أعمال الرُّسُل 13:27 - كِتاب العَهد الجَّديد مِن الكِتاب المُقَدَّس

²⁷ و السّاكنين في أُورُشَلِيم و رؤساهُم ما عِرفو يَسُوع. لَكِن لَمّا حَكَمو عَليهو، تَمَّمو كِلمات الأنبياء البيَقروها كُلّو سَبِت.

أعمال الرُّسُل 13:27 Iomraidhean Croise

مَتَّى 22:29

و يَسُوع رَدَّ عَليهُم و قال: ”إنتو غَلطانين عَشان ما عارفين الكُتُب و لا قُوَّة الله.

لُوقَا 22:34

و يَسُوع قال: ”يا بُطْرُس، أقول ليك، قَبل ما الدّيك يَكورِك اللّيلَه، إنتَ بِتَنكِرني تلاتَه مَرّات، و تَقول إنتَ ما تَعرِفني.“

لُوقَا 23:13

و بِيلاطُس نادى القُسُس الكُبار و السَّلاطين و النّاس.

لُوقَا 24:20

و كيف القُسُس الكُبار و السَّلاطين بِتوعنا سَلَّموهو لِحُكم الموت، و صَلَبوهو.

يُوحَنَّا 15:21

لَكِن هُم بيَعمِلو كُلّو دا ليكُم فِشان إسمي، عَشان هُم ما عارفين الرَّسَّلني.

يُوحَنَّا 16:3

و بيَعمِلو بيكُم كِدا فِشان هُم ما عِرفو الأبو ولّا عِرفوني.

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

يُوحَنَّا 8:28

و يَسُوع قال ليهُم: ”لَمّا تَرفَعو إبن الإنسان، في الوَكِت دا بِتَعرِفو إنّي أنا هو، و أنا ما بَعمِل حاجَه بِنَفسي. لَكِن زي ما عَلَّمني أبوي، أنا بَقول الحاجات دي.

أعمال الرُّسُل 15:21

عَشان مِن الزَّمَن القَديم، بِبَشِّرو بِمُوسَى في كُلّو مَدينَه، و بِقروهو في بُيوت الرَّب كُلّو سَبِت.“

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 3:17

و هَسَّع، يا أخوان، أنا بَعرِف إنتو عَمَلتو دا بِدون فَهم زي رؤساكُم سَوّو كَمان.

رُومِيَه 11:25

عَشان أنا عاوِزكُم، يا أخوان، تَكونو فاهمين بِالسِّر دا، عَلَشان ما تَكونو شاطرين قِدّام نُفوسكُم. و قِسم مِن إِسْرَائِيل، روسينُم بِقو قَوّيَّه لِغايَة ما يَدخُل عَدَد كامِل مِن الأُمَم.

١ كُورِنْثُوس 2:8

و لا واحِد مِن مُديرين الزَّمَن دا فِهِم دي. إذا كانو فِهموها، ما كانو صَلَبو رَب المَجد.

٢ كُورِنْثُوس 3:14

لَكِن أفكارُم بِقو مَقفولين، عَلَشان زات الغَطا بِغَطّي وُشوشُم لِغايَة اليوم دا، لَمّا بِيَقرو الإتِّفاق القَديم. و ما شالوهو مِنَّهُم عَشان في المَسيح يَشيلوهو.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.