أعمال الرُّسُل 13:26 - كِتاب العَهد الجَّديد مِن الكِتاب المُقَدَّس

²⁶ يا أخوان، أولاد إِبْرَاهِيم و البِخافو الله بينكُم، الله رَسَّل لينا نِحنا كِلمات الخَلاص دا.

أعمال الرُّسُل 13:26 Iomraidhean Croise

مَتَّى 10:6

و لَكِن بِدالو، أمشو لِلخِرفان الإتوَدَّرو مِن بيت إِسْرَائِيل.

مَتَّى 3:9

و ما بِتَفتَكِرو تَقولو في نُفوسكُم: أبونا هو إِبْرَاهِيم. عَشان أقول ليكُم: الله يَقدَر يَطَلِّع أولاد لِإِبْرَاهِيم مِن الحُجار ديل.

لُوقَا 1:69

و قَوَّم لينا قَرن الخَلاص في بيت دَاوُد خَدّامو.

لُوقَا 1:77

و تَدّي ناسو مَعرِفَة الخَلاص بِغُفران خَطاياهم،

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

أعمال الرُّسُل 10:35

لَكِن في كُلّو أُمَّه، الزّول البِخاف مِنّو و بيَعمِل البِر، هو مَقبول عِندو.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 16:17

و هي مَشَت وَرا بُولُس و الكانو مَعاهو، و كُورَكَت و قالَت: ”الرُّجال ديل، هُم خَدّامين الله العالي، و يَبَشِّروكُم بِطَريق الخَلاص.“

أعمال الرُّسُل 22:5

و رَئيس القُسُس و كُلّو مَجلِس الشُّيوخ يَقدَرو يَشهَدو لَي بِداك. و أخَدتَ مِنَّهُم جَوابات لِلأخوان في دِمَشق. و مَشيت لِدِمَشق عَشان أجيب النّاس ديل بِجَنازِير لِأُورُشَلِيم عَشان يَعاقِبوهُم.

أعمال الرُّسُل 28:28

فِشان كِدا، أنا دَايِركُم تَعرِفو خَلاص الله دا كان مُرسَل لِلأُمَم، و هُم بِيَسمَعو.“

أعمال الرُّسُل 3:26

عَشان الله بَعَد ما قَوَّم خَدّامو، رَسَّلو ليكُم في الأوَّل، فِشان يَبارِكُم و يَرَجِّع كُلّو واحِد مِنَّكُم مِن خَطاياهو.“

أعمال الرُّسُل 4:12

و ما في خَلاص بِأي واحِد تاني. عَشان في كُل الدُّنيا الله ما أدّا لِلنّاس إسِم تاني البيهو لازِم نَلقى الخَلاص.“

أعمال الرُّسُل 5:20

”أمشو، و أقيفو في الهيكَل، و كَلِّمو النّاس بِكُلّو كِلمات الحَياة دي.“

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،