أعمال الرُّسُل 13:12 - كِتاب العَهد الجَّديد مِن الكِتاب المُقَدَّس

¹² و لَمّا المُدير شاف الحَصَل، هو آمَن، و كان مُستَغرَب مِن تَعليم الرَّب.

أعمال الرُّسُل 13:12 Iomraidhean Croise

مَتَّى 27:54

و لَمّا رَئيس الجّيش و المَعاهو الكانو يَحرَسو يَسُوع شافو الزَّلزَلَه و الحَصَل، كانو خايفين جِدّاً، و قالو: ”بِالحَق، دا كان إبن الله!“

لُوقَا 4:22

و كُلُّهُم كانو يَشهَدو ليهو، و يِتعَجَّبو مِن كَلام النِّعمَه الطَّلَع مِن خَشمو. و قالو: ”ما هو وَلَد يُوسِف؟“

لُوقَا 7:16

و الخوف مَسَك كُلَّهُم، و هُم مَجَّدو الله و قالو: ”نَبي عَظيم قام في وَسِطنا!“ و ”الله جا عَشان يَساعِد شَعبو.“

يُوحَنَّا 7:46

الحُرّاس رَدّو عَليهُم و قالو: ”ما في واحِد إتكَلَّم زي الرّاجِل دا أبَداً.“

أعمال الرُّسُل 13:48

و لَمّا الأُمَم سِمِعو دا، فِرحو و مَجَّدو كِلمَة الرَّب. و كُل الهو إختارُم لِلحَياة الأبَديَّه، آمَنو.

أعمال الرُّسُل 13:49

و كِلمَة الرَّب مَشَت في كُل البِلاد.

أعمال الرُّسُل 13:7

هو كان مَعَ المُدير سَرْجِيُوس بُولُس، و هو راجِل شاطِر. و المُدير نادى بَرْنَابَا و شَاوُل و طَلَب أن يَسمَع كِلمَة الله.

أعمال الرُّسُل 13:8

لَكِن عَليم السّاحِر، و دا مَعنى إسمو، قاوَمُم و جَرَّب يَمنَع المُدير عَشان ما يآمِن.

أعمال الرُّسُل 15:35

لَكِن بُولُس و بَرْنَابَا قَعَدو في أَنْطَاكِيَه بِعَلِّمو و بِبَشِّرو بِكِلمَة الرَّب مَعَ تانيين كَتيرين كَمان.

أعمال الرُّسُل 15:36

و بَعَد وَكِت، بُولُس قال لِبَرْنَابَا: ”خَلّونا نَرجَع و نَزور الأخوان في كُلّو مَدينَه البَشَّرنا فيها بِكِلمَة الرَّب، و نَشوف كيف هُم بيَعمِلو.“

أعمال الرُّسُل 18:12

و لَمّا كان غَالِيُون مُدير أَخَائِيَه، اليَهود قامو بِنَفس واحدَه عَلى بُولُس، و جابوهو لِلمَحكَمَه.

أعمال الرُّسُل 19:10

و إستَمَرَّ كِدا لِمُدَّة سَنَتين، لِغايَة كُل السّاكنين في آسيا مِن يَهود و ناس إغريقيين سِمِعو كِلمَة الرَّب.

أعمال الرُّسُل 19:20

و كِدا كِلمَة الرَّب كانَت تَزيد و تَشَدِّد جِدّاً.

أعمال الرُّسُل 19:38

إذا دِيمِتْرِيُوس و الصّانعين المَعاهو عِندَهُم شَكوى عَلى واحِد، المَحكَمات مَفتوحَه، و في سَلاطين. خَلّوهُم يَشتَكو بَعضَهُم عَلى بَعض.

أعمال الرُّسُل 19:7

و كُلُّهُم كانو إتناشَر راجِل تَقريباً.

أعمال الرُّسُل 28:7

و كانَت في قَريبَه مِن المَحَل داك الأراضي بِتاعَت رَئيس الجَّزيرَه إسمو بُوبْلِيُوس. و هو قِبِلنا و عامَلنا ضيفانو بِلُطف تلاتَه أيام.

أعمال الرُّسُل 6:10

و ما قِدرو يَقولو أي شي ضِد حِكمَة اسْتِفَانُوس ولّا الرّوح الكان بِتكَلَّم بيهو.

أعمال الرُّسُل 8:25

بَعدين لَمّا أدّو الشَّهادَه لِكِلمَة الرَّب، و خَبَّرو بيها، بُطْرُس و يُوحَنَّا رَجَعو لِأُورُشَلِيم. و وَكِت ما هُم في السِّكَّه، كانو بِبَشِّرو بِالإنجيل في حِلَل كَتيرَه مِن السّامِريّين.