أعمال الرُّسُل 12:5 - كِتاب العَهد الجَّديد مِن الكِتاب المُقَدَّس

⁵ و بُطْرُس كان مَحروس في السِّجِن. لَكِن ناس الكَنيسَه كانو بِصَلّو بِقُلوب حارَّه لِلَّه فِشانو.

أعمال الرُّسُل 12:5 Iomraidhean Croise

مَتَّى 18:19

الحَق أقول ليكُم تاني إذا إتنين مِنَّكُم يَتَّفِقو عَلى الأرض في أي شي بِطلُبوهو، بِكون ليهُم مِن أبوي الفي السَّما.

لُوقَا 18:1

و قال ليهُم مَثَل إنّو لازِم يَصَلّو دايماً و يِستَمِرّو.

أعمال الرُّسُل 12:12

و لَمّا فِهِم دا، جا لِبيت مَرْيَم، أُم يُوحَنَّا الإسمو مَرْقُس، الفيهو كَتيرين كانو مِتلَمين و هُم يَصَلّو.

أعمال الرُّسُل 12:4

و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.

أعمال الرُّسُل 12:6

و لَمّا هِيرُودُس قَرَّب يَجيبو لِلمَحكَمَه، بُطْرُس في اللّيلَه ديك كان نايِم بين إتنين عَساكِر، مَربوط بِجَنزيرين. و الحُرّاس كانو قِدّام الباب بِحرَسو السِّجِن.

١ كُورِنْثُوس 12:26

و إذا كان واحِد عُضو يَتعَب، كُل الأعضاء يَتعَبو مَعاهو. و إذا كان يَحتَرِمو واحِد عُضو، كُل الأعضاء بِفرَحو مَعاهو.

٢ كُورِنْثُوس 1:11

و إنتو كَمان بِتساعِدونا بِالصَّلاه بِتاعَتكُم عَلَشانّا. و عَشان كِدا، ناس كَتيرين بِدّو الشُّكر عَلَشان الهَدِيَّه الأدّاها لينا بِسَبَب صَلَوات كَتيرين.

١ تَسَالُونِيكِي 5:17

صَلّو و ما تَقيفو.

عِبرانيين 13:3

إتزَكَّروهُم المَحبوسين، زي ما إنتو مَحبوسين مَعاهُم، و ديل المَظلومين زي ما إنتو كَمان مَظلومين.

يَعْقُوب 5:16

فِشان كِدا، إعتَرِفو بَعضَكُم لِبَعض بِغَلطاتكُم، و صَلّو بَعضَكُم عَشان خاطِر بَعض، عَشان الله يَشفيكُم. طَلَب البار عِندو قُوَّه كَتيرَه في عَمَلو.