أعمال الرُّسُل 12:4 - كِتاب العَهد الجَّديد مِن الكِتاب المُقَدَّس

⁴ و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.

أعمال الرُّسُل 12:4 Iomraidhean Croise

مَتَّى 24:9

بَعدين هُم بِسَلِّموكُم لِلضّيق و بِكتُلوكُم. و كُلّو ناس الدُّنيا بِيَكرَهوكُم عَشان إسمي.

مَتَّى 26:5

و لَكِن قالو: ”مُش في وَكِت العيد، عَشان يِمكِن تَكون في فِتنَه بين النّاس.“

مَرْقُس 14:1

و كان عيد الفِصَح و عيد الفَطير بَعَد يومين. و القُسُس الكُبار و مُعَلِّمين القانون كانو يَكوسو طَريق عَشان يَقبُضو عَلى يَسُوع بِمَكَر، و يَكتُلوهو.

لُوقَا 21:12

لَكِن قُبّال دا كُلّو، بِمسِكوكُم و يَطرُدوكُم، و بِسَلِّموكُم لِبِيوت الرَّب و السُّجون. و بِسوقوكُم قِدّام المُلوك و المُديرين فِشان إسمي.

لُوقَا 22:33

و هو قال ليهو: ”يا رَب، أنا مُستَعِد أمشي مَعاك حَتّى لِلسِّجِن و لِلموت.“

يُوحَنَّا 19:23

بَعدين العَساكِر، لَمّا كانو بِصلُبو يَسُوع، اَخَدو هِدومو. و قَسَموهو أربَعَة أقسام، لِكُلّو عَسكَري قِسِم. و اَخَدو القَميص كَمان. و القَميص كان بِدون خياطَه، مَعمول حِتَّه واحدَه مِن فوق لِتِحِت.

يُوحَنَّا 21:18

الحَق الحَق أقول ليك، لَمّا كُنتَ صَغَيِر، لِبِستَ هِدومَك و مَشيت لِلمَحَل الأنتَ دايِرو. لَكِن لَمّا بِقيت عَجوز، إنتَ ماشي تَمِد إيدينَك، و واحِد بِلَبِّسَك و بِشيلَك لِلمَحَل الأنتَ ما عاوِز تَمشي ليهو.“

أعمال الرُّسُل 12:3

و لَمّا شاف دا بَسَط اليَهود، هو رَجَع و قَبَض عَلى بُطْرُس كَمان. و دا حَصَل في أيام عيد الفَطير.

أعمال الرُّسُل 12:5

و بُطْرُس كان مَحروس في السِّجِن. لَكِن ناس الكَنيسَه كانو بِصَلّو بِقُلوب حارَّه لِلَّه فِشانو.

أعمال الرُّسُل 4:28

عَشان يَعمِلو كُل القُدرَتَك و إرادَتَك جَهَّزو مِن قُبّال عَلَشان يَحصَل.

أعمال الرُّسُل 4:3

و قَبَضوهُم و خَتّوهُم في السِّجِن لِليوم التّاني، عَلَشان بِقى المِسا.

أعمال الرُّسُل 5:18

و قَبَضو عَلى الرُّسُل، و خَتّوهُم في السِّجِن البِكون لِكُل النّاس.

أعمال الرُّسُل 8:3

و لَكِن شَاوُل كان بِخَسِّر الكَنيسَه، و بِدخُل البِيوت، و بِجُر الرُّجال و النِّسوان، و بِخُتُّم في السِّجِن.