أعمال الرُّسُل 12:3 - كِتاب العَهد الجَّديد مِن الكِتاب المُقَدَّس

³ و لَمّا شاف دا بَسَط اليَهود، هو رَجَع و قَبَض عَلى بُطْرُس كَمان. و دا حَصَل في أيام عيد الفَطير.

أعمال الرُّسُل 12:3 Iomraidhean Croise

مَتَّى 26:17

و في اليوم الأوَّل مِن عيد الفَطير، التَّلاميذ قَرَّبو لِيَسُوع و قالو: ”وين إنتَ عاوِزنا نَجَهِّز ليك عَشان إنتَ بِتاكُل فيهو الفِصَح؟“

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

يُوحَنَّا 19:11

يَسُوع رَدَّ عَليهو و قال: ”إنتَ ما عِندَك سُلطَه عَلي أبَداً إذا ما كان ليك سُلطَه مِن فوق. عَشان كِدا، الواحِد السَّلَّمني ليك، عِندو خَطيَّه أكبَر.“

يُوحَنَّا 21:18

الحَق الحَق أقول ليك، لَمّا كُنتَ صَغَيِر، لِبِستَ هِدومَك و مَشيت لِلمَحَل الأنتَ دايِرو. لَكِن لَمّا بِقيت عَجوز، إنتَ ماشي تَمِد إيدينَك، و واحِد بِلَبِّسَك و بِشيلَك لِلمَحَل الأنتَ ما عاوِز تَمشي ليهو.“

أعمال الرُّسُل 12:4

و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.

أعمال الرُّسُل 2:14

في الوَكِت دا، بُطْرُس وَقَف مَعَ الحِداشَر، و رَفَع صوتو و قال ليهُم: ”يا رُجال اليَهود، و القَاعِدين في أُورُشَلِيم كُلُّكُم، أسمَعو كَلامي، و خَلّيني أوَرّي ليكُم مَعنى الكَلام دا.

أعمال الرُّسُل 20:6

و لَكِن نِحنا سافَرنا بِمُركَب مِن فيلِبّي بَعَد أيام عيد الفَطير. و جينا ليهُم في خَمسَة أيام في تَرُوَاس، و قَعَدنا هِناك أُسبوع.

أعمال الرُّسُل 24:27

و لَمّا سَنَتين فاتو، بُورْكِيُوس فَسْتُوس أخَد مَكان فِيلِكْس. و عَلَشان فِيلِكْس كان عاوِز يَبسِط اليَهود، هو ساب بُولُس في السِّجِن.

أعمال الرُّسُل 25:9

لَكِن فَسْتُوس كان عاوِز يَبسِط اليَهود، و قال لِبُولُس: ”إنتَ داير تَطلَع لِأُورُشَلِيم و تَحاكِم هِناك قِدامي، في الحاجات دي؟“

أعمال الرُّسُل 4:13

و لَمّا شافو شُجاعَة بُطْرُس و يُوحَنَّا، و لِقوهُم رُجال ما مِتعَلِّمين و زي أي زول تاني، هُم إتعَجَّبو. و عِرفوهُم كانو مَعَ يَسُوع.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

١ تَسَالُونِيكِي 2:4

و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.