أعمال الرُّسُل 12:19 - كِتاب العَهد الجَّديد مِن الكِتاب المُقَدَّس

¹⁹ و بَعَد ما هِيرُودُس فَتَّش عَليهو و ما لِقاهو، هو إمتَحَن الحُرّاس و أمَر أن يَكتُلوهُم. و بَعَد دا، هِيرُودُس نَزَل مِن اليَهُودِيَّه لِقَيْصَرِيَّه و قَعَد هِناك.

أعمال الرُّسُل 12:19 Iomraidhean Croise

مَتَّى 2:1

و لَمّا يَسُوع كان مَولود في بيت لَحَم الفي يَهُودِيَّه، في أيام هِيرُودُس المَلِك، شوف! مَجوس مِن الشَّرق جو لِأُورُشَلِيم

مَتَّى 2:13

و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“

مَتَّى 2:16

بَعدين، لَمّا هِيرُودُس شاف أن المَجوس ما إحتَرَموهو، كان زَعلان جِدّاً جِدّاً، و رَسَّل و كَتَل كُل الأولاد الكانو في بيت لَحَم، و في كُلّو مَحَل القَريب مِنّو، الأولاد العُمر بِتاعُم كان سَنَتين و أقَل مِن دا، زي الوَكِت الكان عِندو خَبَر مِن المَجوس.

أعمال الرُّسُل 12:18

و لَمّا بِقى النَّهار، كان في دَوشَه كَبيرَه جِدّاً بين العَساكِر و هُم قالو: ”شِنو حَصَل لِبُطْرُس؟“

أعمال الرُّسُل 12:4

و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.

أعمال الرُّسُل 12:6

و لَمّا هِيرُودُس قَرَّب يَجيبو لِلمَحكَمَه، بُطْرُس في اللّيلَه ديك كان نايِم بين إتنين عَساكِر، مَربوط بِجَنزيرين. و الحُرّاس كانو قِدّام الباب بِحرَسو السِّجِن.

أعمال الرُّسُل 16:27

و لَمّا السَّجّان قام مِن النّوم، و شاف أبواب السِّجِن مَفتوحَه، هو طَلَّع سيفو و كان عاوِز يَكتُل نَفسو، فِشان إفتَكَر كُل المَحبوسين هَرَبو.

أعمال الرُّسُل 21:8

و في اليوم التّاني، مَرَقنا و جينا لِقَيْصَرِيَّه. و دَخَلنا بيت فِيلُبُّس المُبَشِّر، الهو واحِد مِن السَّبعَه، و قَعَدنا مَعاهو.

أعمال الرُّسُل 25:13

و بَعَد ما فاتَت شوَيَة أيام، أَغْرِيبَاس المَلِك و بَرْنِيكِي وِصلو لِقَيْصَرِيَّه، عَشان يَسَلِّمو عَلى فَسْتُوس.

أعمال الرُّسُل 27:42

و كان فِكر العَساكِر يَكتُلو المَسجونين عَلَشان واحِد مِنَّهُم ما يَعوم و يَهرَب.

أعمال الرُّسُل 8:40

لَكِن فِيلُبُّس كان مَوجود في بَلَد أَشْدُود و مَشى بِكُل البِلاد، و كان بِبَشِّر لِغايَة ما وِصِل لِقَيْصَرِيَّه.