أعمال الرُّسُل 12:17 - كِتاب العَهد الجَّديد مِن الكِتاب المُقَدَّس

¹⁷ و عَمَل عَلامَه بِإيدو عَشان يَسكُتو. و كَلَّمُم كيف الرَّب مَرَّقو مِن السِّجِن. و قال: ”خَبِّرو يَعْقُوب و الأخوان بِالحاجات دي.“ و بَعدين مَرَق و مَشى لِمَحَل تاني.

أعمال الرُّسُل 12:17 Iomraidhean Croise

مَتَّى 10:23

و لَمّا يَطرُدوكُم مِن المَدينَه دي، أجرو لِلتّانيَه. الحَق أقول ليكُم، إنتو ما بِتَمشو لِكُلّو بِلاد إِسْرَائِيل قُبّال ما يَجي إبن الإنسان.

مَرْقُس 6:3

دا ما هو النَّجّار؟ وَلَد مَرْيَم، و أخو يَعْقُوب، و يُوسِي، و يَهُوذَا، و سِمْعَان؟ و أخواتو ما هِنا مَعانا؟“ و بِقو زَعلانين مِنّو.

لُوقَا 1:22

و لَمّا مَرَق، ما قِدِر يَكَلِّمُم، و هُم فِهمو إنّو شاف رؤيا في الهيكَل. و كان يَعمِل عَلامَه ليهُم و إستَنّى أبكَم.

يُوحَنَّا 10:40

و رَجَع كَمان لِلطَّرف التّاني لِلأُرْدُنّ، لِلمَكان اليُوحَنَّا كان بِعَمِّد فيهو في الأوَّل، و قَعَد هِناك.

يُوحَنَّا 11:54

و عَلَشان كِدا، يَسُوع ما كان بِمشي و يَبَيِّن نَفسو لِليَهود، لَكِنّو مَرَق مِن هِناك لِمَكان قَريب مِن الخَلا، لِمَدينَه إسِما أَفْرَايِم. و قَعَد هِناك مَعَ تَلاميذو.

يُوحَنَّا 13:24

سِمْعَان بُطْرُس أشَّر ليهو و قال: ”وَرّينا هو بِكَلِّم عَن مِنو.“

يُوحَنَّا 7:1

بَعَد كِدا، يَسُوع كان يَمشي في الجَّليل. عَشان هو ما كان داير يَمشي في اليَهُودِيَّه، عَشان اليَهود كانو عاوزين يَكتُلوهو.

يُوحَنَّا 8:59

و هُم رَفَعو حُجار عَشان يَرموهو بيها. لَكِن يَسُوع دَسَّ نَفسو، و مَشى مِن الهيكَل.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 12:16

لَكِن بُطْرُس قاعِد يَدُق. و لَمّا فَتَحو، شافوهو و إستَغرَبو.

أعمال الرُّسُل 12:18

و لَمّا بِقى النَّهار، كان في دَوشَه كَبيرَه جِدّاً بين العَساكِر و هُم قالو: ”شِنو حَصَل لِبُطْرُس؟“

أعمال الرُّسُل 13:16

و بُولُس قام و عَمَل عَلامَه بِإيدو و قال: ”يا رُجال إِسْرَائِيل و البِخافو الله مِن الأُمَم، أسمَعو!

أعمال الرُّسُل 15:13

و بَعَد ما خَلَّصو كَلامُم، يَعْقُوب إتكَلَّم و قال: ”يا أخوان، أسمَعو لَي.

أعمال الرُّسُل 16:40

و لَمّا مَرَقو مِن السِّجِن، مَشو لِبيت لِيدِيَّه. و شافو الأخوان و شَجَّعوهُم. و بَعَد دا مَرَقو.

أعمال الرُّسُل 19:33

و بَعض مِن النّاس أشَّر لِإِسْكَنْدَر عَشان يتكَلَّم، و اليَهود دَفَعوهو لِقِدّام. و إِسْكَنْدَر أشَّر بِإيدو هو داير يتكَلَّم عَشان نَفسو قِدّام النّاس.

أعمال الرُّسُل 21:18

و اليوم التّاني، بُولُس دَخَل مَعانا لِيَعْقُوب. و كُل الشُّيوخ كانو في.

أعمال الرُّسُل 21:40

و لَمَّن أدّاهو إذِن، بُولُس وَقَف عَلى السَّلالِم، و أشَّر بِإيدو لِلنّاس. و لَمّا كُلُّهُم سَكَتو، هو كَلَّمُم بِّاللُغَه العِبرانيَّه و قال:

أعمال الرُّسُل 28:15

و لَمّا الأخوان هِناك سِمِعو بِخَبَرنا، هُم مَرَقو عَشان يَقابِلونا، و مَشو لِسوق أَبِيُّوس و اللّوكَندات التّلاتَه. و وَكِت بُولُس شافُم، شَكَر الله و شَدّا حيلو.

١ كُورِنْثُوس 15:7

و بَعَد داك، ظَهَر لِيَعْقُوب، و بَعدين لِكُل الرُسُل.

غَلَاطِيَّه 1:19

و ما شُفتَ أي واحِد مِن الرُّسُل إلّا يَعْقُوب، أخو الرَّب.

غَلَاطِيَّه 2:12

عَشان قُبّال ما بَعض مِن الرُّجال جو مِن يَعْقُوب، هو كان ياكُل مَعَ الأُمَم. لَكِن لَمّا هُم وِصلو، كان يَمرُق مِنَّهُم و يَفَرِّق نَفسو، عَشان خاف مِنَّهُم المُطَهَّرين.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

يَعْقُوب 1:1

مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.