أعمال الرُّسُل 11:26 - كِتاب العَهد الجَّديد مِن الكِتاب المُقَدَّس

²⁶ و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

أعمال الرُّسُل 11:26 Iomraidhean Croise

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

يُوحَنَّا 2:2

و يَسُوع و تَلاميذو كانو مَعزومين كَمان لِلعِرس.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 11:20

و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.

أعمال الرُّسُل 11:22

و لَمّا الخَبَر دا جا في أضان الكَنيسَه الفي أُورُشَلِيم، هُم رَسَّلو بَرْنَابَا لِأَنْطَاكِيَه.

أعمال الرُّسُل 11:27

و في الأيام ديلاك، أنبياء نَزَلو مِن أُورُشَلِيم لِأَنْطَاكِيَه.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

أعمال الرُّسُل 14:20

و لَكِن لَمّا التَّلاميذ وَقَفو حَواليهو، هو قام و دَخَل المَدينَه. و اليوم البَعدو، هو مَرَق مَعَ بَرْنَابَا لِدَربَه.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 14:28

و هُم قَعَدو مَعَ التَّلاميذ مُدَّه طَويلَه.

أعمال الرُّسُل 18:27

و لَمّا كان عاوِز يَمشي لِأَخَائِيَه، الأخوان شَجَّعوهو عَلى دا، و كَتَبو لِلتَّلاميذ هِناك عَشان يَقبَلوهو. و لَمّا وِصِل، ساعَد كَتير ديل البِالنِّعمَه كانو آمَنو.

أعمال الرُّسُل 19:9

و بَعض مِنَّهُم، روسينُم بِقو قَوّيين و أبو يآمِنو، و شَتَمو الطَّرِيق قِدّام النّاس. عَلَشان كِدا، بُولُس خَلّاهُم و أخَد التَّلاميذ مَعاهو. و كان بِتكَلَّم مَعاهُم كُلّو يوم في مَدرَسَة تِيرَانُّوس.

أعمال الرُّسُل 20:1

و بَعَد ما الدَوشَه تَمَّت، بُولُس نادى التَّلاميذ و شَجَّعُم و قال ليهُم: ”مَعَ السَّلامَه،“ و مَرَق عَشان يَمشي لِمَكِدونيَّه.

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

أعمال الرُّسُل 21:4

و عَلَشان لِقينا التَّلاميذ، قَعَدنا مَعاهُم أُسبوع. و هُم كانو بِقولو لِبُولُس بِالرّوح عَشان ما يَطلَع لِأُورُشَلِيم.

أعمال الرُّسُل 26:28

و أَغْرِيبَاس قال لِبُولُس: ”إنتَ بِقَليل داير تَعمِلني مَسيحي؟“

أعمال الرُّسُل 6:1

و في الأيام ديلاك لَمَّن التَّلاميذ زادو، اليَهود البِتكَلَّمو اللُغَه الأغريقيَّه إشتَكو عَلى اليَهود الوَطَنيين عَلَشان ما كانو يِتذَكَّرو أرَامِلُم في التَّعيين كُلّو يوم.

أعمال الرُّسُل 6:5

و كُل التَّلاميذ كانو مَبسوطين مِن الكَلام دا. و إختارو اسْتِفَانُوس، راجِل مَليان بِالإيمان و الرّوح القُدُس، و فِيلُبُّس و بُرُوخُورُس و نِيكَانُور و تِيمُون و بَرْمِينَاس و نِيقُولاوُس الصَّدَّق بِالدّين اليَهودي مِن أنطاكيّا.

أعمال الرُّسُل 9:19

و أكَل و بِقى شَديد. و قَعَد مَعَ التَّلاميذ الفي دِمَشق أيام قَليلَه.

أعمال الرُّسُل 9:38

و لُدَّه كانَت قَريبَه مِن يَافَا. و التَّلاميذ سِمِعو بُطْرُس كان في لُدَّه. و هُم رَسَّلو ليهو راجلين و سألوهو كَتير و قالو: ”مِن فَضلَك، تَعال قَوام.“

١ كُورِنْثُوس 11:18

في الأوَّل، لَمَّن تِتلَمّو في الكَنيسَه، أسمَع إنّو في بينكُم إنقِسامات، و أصَدِّق بَعض مِن دا.

١ كُورِنْثُوس 12:12

عَشان زي ما الجِّسِم هو واحِد و عِندو أعضاء كَتيرَه، و كُلّو أعضاء الجِّسِم كَتيرَه، لَكِن لِسَّع جِسِم واحِد، كِدا المَسيح زي داك كَمان.

١ كُورِنْثُوس 14:23

عَلَشان كِدا، إذا الكَنيسَه كُلَّها أتلَمَّت، و إذا كُلُّهُم يِتكَلَّمو بِلُغات، و الما بِفهَمو ولّا الما مؤمِنين يدخُلو، هُم ما بِقولو إنتو مَجنونين؟

١ كُورِنْثُوس 4:17

عَشان كِدا رَسَّلتَ ليكُم تِيمُوثَاوُس، إبني الحَبيب و الأمين في الرَّب. و هو بِذَكِّركُم بِطُرُقي في المَسيح زي ما بَعِلِّم في كُلّو مَحَل في كُلّو كَنيسَه.

أفَسُس 3:15

المِنّو كُلّو أهل في السَّما و عَلى الأرض ياخُد إسمو.

يَعْقُوب 2:7

ما هُم البِجَدِّفو عَلى الإسِم المُحتِرَم البِسَمّوكُم بيهو؟

١ بُطْرُس 4:14

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.

١ بُطْرُس 4:16

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.