أعمال الرُّسُل 10:4 - كِتاب العَهد الجَّديد مِن الكِتاب المُقَدَّس

⁴ و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

أعمال الرُّسُل 10:4 Iomraidhean Croise

مَتَّى 26:13

أقول ليكُم الحَق، في كُلّو مَحَل اليَبَشِّرو بِالإنجيل دا في الدُّنيا كُلّو، بِخَبِّرو كَمان بِالهي عَمَلَت عَشان يِتذَكَّروها.“

لُوقَا 1:29

و هي إتحَيَّرَت جِدّاً مِن كَلامو، و فَكَرَت في مَعنى السَّلام دا.

لُوقَا 24:5

و لَمّا كانو خايفين، و دَنقَرو لِلأرض بِوَشُّم، الرّاجلين قالو ليهُم: ”لِشِنو تَفَتِّشو عَلى الحَي بين المَيِّتين؟

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 14:9

و هو سِمِع بُولُس يتكَلَّم. و بُولُس عايَن ليهو، و شاف إنّو عِندو إيمان لِلشِّفا.

أعمال الرُّسُل 22:10

و قُلتَ: بَعمِل شِنو، يا رَب؟ و الرَّب قال لَي: قوم و أمشي لِدِمَشق، و هِناك بِقولو ليك عَن كُل المَجَهَّز ليك تَعمِل.

أعمال الرُّسُل 3:4

و بُطْرُس و يُوحَنَّا عايَنو ليهو، و بُطْرُس قال ليهو: ”عايِن لينا.“

فيلِبّي 4:18

قِبِلتَ كُلّو شي، و أنا في راحَه. أنا بِقيت مَليان مِن وَكت أخَدتَ مِن وأبفروديتس هَداياكُم الإنتو رَسَّلتوها. هي هَديَه ريحَتا طَيبَه، و ضَبيحَه مَقبولَه، اليَبسِط الله.

فيلِبّي 4:6

ما تِتحَيَّرو في أي شي. لَكِن في كُلّو شي، خَلّي طَلَباتكُم بِتكون مَعروفَه لِلَّه، بِصَلاه و طَلَب مَعَ شُكر.

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

رؤيا 8:4

و دُخان البَخور مَعَ صَلَوات القِدِّسين طَلَع قِدّام الله مِن إيد المَلاك.