أعمال الرُّسُل 10:36 - كِتاب العَهد الجَّديد مِن الكِتاب المُقَدَّس

³⁶ و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 10:36 Iomraidhean Croise

مَتَّى 10:6

و لَكِن بِدالو، أمشو لِلخِرفان الإتوَدَّرو مِن بيت إِسْرَائِيل.

مَتَّى 11:27

كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو.

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

أعمال الرُّسُل 10:37

و إنتو بِتَعرِفو الحَصَل في كُل اليَهُودِيَّه. و دا إبتَدا في الجَّليل بَعَد ما يُوحَنَّا بَشَّر بِالمَعموديَّه،

أعمال الرُّسُل 11:19

و الإتشَتَّتو بِواسطَة التَّعب الحَصَل بِسَبَب اسْتِفَانُوس، سافَرو لِفِينِيقِيَه و قُبرُص و أَنْطَاكِيَه. و هُم ما بِكَلِّمو أي واحِد بِالكِلمَه إلّا اليَهود بَس.

أعمال الرُّسُل 13:32

و نِحنا نَبَشِّركُم بِالوَعد الوَعَدو الله لِأبَهاتنا.

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 2:36

عَلَشان كِدا، خَلّي كُلّو أهل بيت إِسْرَائِيل يَعرِف بِالحَق أن الله عَمَل يَسُوع دا، الإنتو صَلَبتوهو، رَب و مَسيح.“

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

رُومِيَه 14:9

و بِالسَّبَب دا، المَسيح مات و رَجَع لِلحَياة، عَشان يَكون الرَّب عَلى المَيِّتين و الحَيين.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

١ كُورِنْثُوس 15:27

”عَشان الله خَتَّ كُلّو حاجَه تِحِت كِرعينو.“ و لَكِن لَمَّن يَقول هو خَتَّ كُلّو حاجَه تِحتو، يَبَيِّن دا ما يَعني الله نَفسو، هو الخَتَّ كُلّو حاجَه تِحِت المَسيح.

١ كُورِنْثُوس 15:47

الإنسان الأوَّل كان مِن الأرض، تُرابي. الإنسان التّاني مِن السَّما.

فيلِبّي 2:11

و كُلّو لِسان يَعتَرِف أن يَسُوع المَسيح هو رَب، لِمَجد الله الأبو.

كُولُوسِّي 1:20

و يَصالِح بيهو كُل الحاجات لِنَفسو، إذا حاجات عَلى الأرض ولّا في السَّما. عَلَشان كِدا الله عَمَل السَّلام بِدَم صَليبو.

عِبرانيين 1:2

كَلَّمنا في الأيام الأخيرَه دي في الإبن. و هو عَمَلو وارِث لِكُلّو حاجَه، و بيهو كَمان هو عَمَل الخَليقَه كُلَّها.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

١ بُطْرُس 3:22

و هو دَخَل السَّما، و هو في يَمين الله، و المَلائكَه و السُّلطات و القُوّات يَطيعوهو.

رؤيا 1:18

أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.