أعمال الرُّسُل 10:22 - كِتاب العَهد الجَّديد مِن الكِتاب المُقَدَّس

²² و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

أعمال الرُّسُل 10:22 Iomraidhean Croise

مَتَّى 1:19

و راجِلا يُوسِف الكان عَديل، و ما رَضيان أن يَعمِلا خَجلانَه، كان عاوِز يَخَلّيها بِالسِّر.

مَتَّى 2:12

و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.

مَرْقُس 6:20

عَشان هِيرُودُس كان خايِف مِن يُوحَنَّا، و عِرِف هو راجِل بار و قُدّوس، و حَرَسو. و لَمّا سِمِع يُوحَنَّا، إتحَيَّر جِدّاً، و لَكِن سِمِعو بِفَرَح.

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

لُوقَا 23:50

و شوف، كان في راجِل إسمو يُوسِف. و هو كان واحِد مِن المَجلِس، و راجِل طَيب و بار.

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

يُوحَنَّا 13:20

الحَق الحَق أقول ليكُم، البِقبَل الزّول البَرَسِّلو، بِقبَلني. و البِقبَلني، بِقبَل الرَّسَّلني.“

يُوحَنَّا 17:20

أنا ما بَصَلّي عَشان ديل بَس، لَكِن كَمان عَشان البِآمِنو بي بِكَلامُم.

يُوحَنَّا 17:8

عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:63

الرّوح هو البِدّي حَياة، لَكِن الجِّسم ما فيهو فايدَه. الكَلام البَقولو ليكُم هَسَّع، هو روح و حَياة.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

أعمال الرُّسُل 10:21

و بُطْرُس نَزَل لِلرُّجال و قال: ”شوفو! أنا هو الإنتو تَطلُبوهو. جيتو لِشِنو؟“

أعمال الرُّسُل 10:30

و كَرْنِيلِيُوس قال: ”مِن مُدَّة أربَعَة أيام زي السّاعَه دي، كُنتَ بَصَلّي السّاعَه تلاتَه بَعَد الضُّهر في بيتي. و شوف! راجِل في هِدوم لامِع وَقَف قِدامي.

أعمال الرُّسُل 10:33

و طَوّالي رَسَّلتَ ليك، و إنتَ عَمَلتَ كوَيس عَشان جيت. و هَسَّع نِحنا كُلُّنا مِتلَمين هِنا قِدّام الله، عَشان نَسمَع مِنَّك كُل الأمَرَك بيهو الله.“

أعمال الرُّسُل 10:6

و هو قاعِد مَعَ سِمْعَان الشَّغال في الجُّلود، و بيتو عِند البَحَر.“

أعمال الرُّسُل 11:14

و هو بِكَلِّمَك كَلام بِتَخلَص بيهو، إنتَ و كُلّو بيتَك.

أعمال الرُّسُل 22:12

و حَنانيّا، راجِل طَيب حَسَب القانون، و مُحتِرَم مِن اليَهود السّاكنين هِناك،

أعمال الرُّسُل 24:15

و عِندي رَجاء بِالله، زي ما هُم كَمان عِندَهُم رَجاء. و بَنتَظِر إنّو بِتكون في قيامَه مِن بين المَيِّتين لِلبارين و الخاطيين.

أعمال الرُّسُل 6:3

كِدا، يا أخوان، إختارو سَبعَه رُجال مِنَّكُم المَعروفين، مَليانين بِالرّوح و الحِكمَه، و بِنَدّيهُم السُّلطَه عَلى الحاجات دي.

رُومِيَه 1:17

الإنجيل يَكَلِّمنا إنّو الله عَمَلنا بارين قِدّامو بِإيمان فيهو. عَلَشان كِدا، بِالإيمان بِنعيش الحَياة الجَديدَه بِواسطَتو. و الكُتُب المُقَدَّسَه بِقولو: ”الإنسان البار بِعِيش بِالإيمان.“

٢ كُورِنْثُوس 5:18

و كُلّو دا مِن الله الصّالَحنا لِنَفسو بِالمَسيح، و أدّانا خِدمَة المُصالَحَه.

١ تِيمُوثَاوُس 3:7

و كَمان هو يَكون عِندو شَهادَه كوَيسَه مِن النّاس الفي بَرَّه، عَلَشان ما يَقَع في لوم و فَخ إبْلِيس.

عِبرانيين 10:38

لَكِن الإنسان البار، بِعِيش بِالإيمان. و إذا هو رَجَع لِوَرا، نَفسي ما بِكون مَبسوط مِنّو.“

عِبرانيين 11:2

عَشان في دا الله شِهِد لِلأبَهات.

عِبرانيين 12:23

و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

٢ بُطْرُس 3:2

أنا عاوِزكُم تِتزَكَّرو كِلمات الأنبياء القِدِّسين الإتكَلَّمو بيها مِن قُبّال، و أمر الرَّب و المُخَلِّص الجّا ليكُم بِرُسُلكُم.

٣ يُوحَنَّا 1:12

كُل النّاس بِشهَدو لِدِيمِتْرِيُوس، و الحَق نَفسو يَشهَد ليهو. و نِحنا كَمان نَشهَد ليهو، و إنتو بِتَعرِفو شَهادَتنا هي حَقيقيَه.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.