أعمال الرُّسُل 1:16 - كِتاب العَهد الجَّديد مِن الكِتاب المُقَدَّس

¹⁶ و هو قال ليهُم: ”يا أخوان، كان لازِم يَتِم المَكتوب مِن زَمان بِالرّوح القُدُس بِخَشم دَاوُد عَن يَهُوذَا القاد النّاس ديل المَسَكو يَسُوع.

أعمال الرُّسُل 1:16 Iomraidhean Croise

مَتَّى 26:14

بَعدين، واحِد مِن الإتناشَر، اليَسَمّوهو يَهُوذَا إِسْخَرْيُوطِي، مَشى لِلقُسُس الكُبار،

مَتَّى 26:47

و وَكِت ما هو لِسَّع يتكَلَّم، يَهُوذَا، واحِد مِن الإتناشَر، وِصِل. و جَماعَه كَتيرَه كانو مَعاهو شايلين سُيوف و عَصايات، مُرَسَّلين مِن القُسُس الكُبار و شُيوخ النّاس.

مَتَّى 26:54

لَكِن كيف بِتِم المَكتوب في الكُتُب البِقولو إنّو لازِم بِكون كِدا؟“

مَتَّى 26:56

و لَكِن كُلّو دا حَصَل عَشان بِتَكمَل كُتُب الأنبياء.“ بَعدين كُل التَّلاميذ خَلّوهو و هَرَبو.

مَرْقُس 12:36

دَاوُد نَفسو قال بِالرّوح القُدُس: الرَّب قال لِرَبّي: أقعُد عَن يَميني لِغايَة ما بَخُت عُدوانَك تِحِت كِرعينَك.

مَرْقُس 14:43

و طَوّالي، وَكِت ما كان لِسَّع يتكَلَّم، يَهُوذَا جا، و هو واحِد مِن الإتناشَر، و مَعاهو ناس كُتار بِسُيوف و عَصايات. و هُم جو مِن القُسُس الكُبار، و مُعَلِّمين القانون، و الشُّيوخ.

لُوقَا 22:47

و وَكِت ما كان يتكَلَّم، جو ناس كُتار. و مَعاهُم راجِل إسمو يَهُوذَا، واحِد مِن الإتناشَر، ماشي قِدّامُم. هو قَرَّب لِيَسُوع عَشان يَسَلِّم عَليهو بِبوسَه.

يُوحَنَّا 10:35

كِلمَة الله جات ليهُم و الله سَمّاهُم آلِهَه. و ما مُمكِن يَكسِر المَكتوب في الكِتاب.

يُوحَنَّا 13:18

أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

يُوحَنَّا 17:12

لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب.

يُوحَنَّا 19:36

و الحاجات دي حَصَلَت، عَشان يَتِم المَكتوب في الكِتاب: ”و لا واحِد مِن عِضامو بِكون مَكسور.“

أعمال الرُّسُل 1:20

عَشان مَكتوب في كِتاب المَزامير: خَلّي بيتو يَكون خَربان، و ما تَخَلّي واحِد يَسكُن فيهو. و: خَلّي تاني ياخُد مَحَلّو.

أعمال الرُّسُل 13:15

و بَعَد قِرايَة القانون و الأنبياء، رؤساء بيت الرَّب رَسَّلو ليهُم يَقولو: ”يا أخوان، إذا كان عِندَكُم كِلمَة الشَّجاعَه لِلنّاس، قُولوهو.“

أعمال الرُّسُل 13:38

خَليهو يَكون مَعروف ليكُم، يا أخوان، نِحنا نَبَشِّر بِيَسُوع غُفران الخَطايا.

أعمال الرُّسُل 15:13

و بَعَد ما خَلَّصو كَلامُم، يَعْقُوب إتكَلَّم و قال: ”يا أخوان، أسمَعو لَي.

أعمال الرُّسُل 15:7

و بَعَد ما إتكَلَّمو كَتير، قام بُطْرُس و قال ليهُم: ”يا أخوان، إنتو بِتَعرِفو مِن زَمان، الله إختارني مِن بينكُم، عَشان الأُمَم يَسمَعو مِن خَشمي كِلمَة الإنجيل و يآمِنو.

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

أعمال الرُّسُل 2:37

و لَمَّن النّاس سِمِعو دا، إتحَيَّرو في قُلوبُم كَتير خَلاص، و قالو لِبُطْرُس و لِلرُّسُل التّانيين: ”بِنَعمِل شِنو، يا أخوان؟“

أعمال الرُّسُل 22:1

”يا أخوان و أبَهات، أسمَعو و أنا بَدّي حِساب حَياتي هَسَّع قِدّامكُم.“

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 23:6

و عَلَشان بُولُس عِرِف جُزو مِنَّهُم صَدّوقيين و الجُّزو التّاني فَرّيسيِّين، كورَك في المَجِلس: ”يا رُجال و أخوان، أنا فرِّيسي، إبن فرِّيسي. و بِسَبَب رَجاء قيامَة المَيِّتين يَحكُمو عَلي.“

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

أعمال الرُّسُل 28:25

و ما إتَّفَقو بَعضَهُم مَعَ بَعض، و إبتَدو يَمرُقو، بَعَد ما بُولُس قال كِلمَه واحدَه: ”الرّوح القُدُس كَلَّم أبَهاتكُم كوَيس بِإِشَعْيَاء النَّبي،

أعمال الرُّسُل 7:2

و قال: ”يا أخوان و أبَهات، أسمَعو! إلَه المَجد ظَهَر لِأبونا إِبْرَاهِيم، و هو في عِراق قُبّال ما سَكَن في حاران.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

٢ بُطْرُس 1:21

عَلَشان ما في نُبوَّه أبَداً جات مِن إرادَة زول، لَكِن رُجال إتكَلَّمو مِن الله، زي الرّوح القُدُس كان بِقودُم.

٢ بُطْرُس 2:21

عَشان كان أحسَن ليهُم إذا ما عِرِفو طَريق البِر، مِن ما بَعَد ما عِرِفوهو يَرَجِّعو عَن الأمر المُقَدَّس الكان مَسَلَّم ليهُم.