أعمال الرُّسُل 1:13 - كِتاب العَهد الجَّديد مِن الكِتاب المُقَدَّس

¹³ و لَمّا دَخَلو المَدينَه، طَلَعو لِلأوضَه الفي فوق، الكانو بِقعُدو فيها. و هُم بُطْرُس و يُوحَنَّا و يَعْقُوب و أنْدَرَاوُس و فِيلُبُّس و تُومَا و بَرْثُلْمَاوُس و مَتَّى و يَعْقُوب وَلَد حَلْفَى و سِمْعَان الغَيُور و يَهُوذَا وَلَد يَعْقُوب.

أعمال الرُّسُل 1:13 Iomraidhean Croise

مَتَّى 9:9

و وَكِت ما يَسُوع كان يَمشي مِن هِناك، شاف راجِل إسمو مَتَّى، و هو قاعِد في المَكان البِلِم فيهو الضَّريبَه. و قال ليهو: ”أتبَعني.“ و هو قام و تِبعو.

مَرْقُس 14:15

و هو بِوَرّيكُم أوضَه كَبيرَه في فوق، مُفَرَّشَه و جاهِزَه. حَضِّرو لينا هِناك.“

مَرْقُس 14:33

و أخَد مَعاهو بُطْرُس و يَعْقُوب و يُوحَنَّا، و إبتَدا يِستَغرَب شَديد خَلاص، و بِقى ليهو ضيق شَديد.

مَرْقُس 2:14

و وَكِت هو كان ماشي، شاف لَاوِي وَلَد حَلْفَى قاعِد في مَكتَب الضَّريبَه. و قال ليهو: ”أتبَعني.“ و هو قام و تَبَعو.

مَرْقُس 5:37

و هو ما خَلّى أي واحِد يَتبَعو إلّا بُطْرُس، و يَعْقُوب، و يُوحَنَّا أخو يَعْقُوب.

مَرْقُس 9:2

و بَعَد سِتَة أيام، يَسُوع أخَد مَعاهو بُطْرُس و يَعْقُوب و يُوحَنَّا. و طَلَع بيهُم لِجَبَل عالي بَراهُم. و شَكلو إتغَيَّر قِدّامُم.

لُوقَا 22:12

و هو بِوَرّيكُم أوضَه كَبيرَه في سَرايا فوق، مَجَهَزَه. حَضِّرو لينا هِناك.“

يُوحَنَّا 11:16

و تُومَا الإسمو التّيمان قال لِلتَّلاميذ المَعاهو: ”تَعالو نَمشي، نَموت مَعاهو كَمان.“

يُوحَنَّا 14:22

يَهُوذَا، المُش الإِسْخَرْيُوطِي، قال ليهو: ”يا رَب، كيف تَوَرّي نَفسَك لينا و مُش لِلدُّنيا؟“

يُوحَنَّا 18:17

و الخَدّامَه البِتَحرَس الباب قالَت لِبُطْرُس: ”إنتَ كَمان مُش واحِد مِن تَلاميذ الإنسان دا؟“ و بُطْرُس قال ليها: ”لا، مُش أنا.“

يُوحَنَّا 21:2

سِمْعَان بُطْرُس، و تُومَا الإسمو التّيمان، و وَنَثَنَائِيل المِن قانا الجَّليل، و أولاد زَبَدي الأتنين، و إتنين تانيين مِن تَلاميذو، كانو كُلُّهُم سَوا.

أعمال الرُّسُل 12:17

و عَمَل عَلامَه بِإيدو عَشان يَسكُتو. و كَلَّمُم كيف الرَّب مَرَّقو مِن السِّجِن. و قال: ”خَبِّرو يَعْقُوب و الأخوان بِالحاجات دي.“ و بَعدين مَرَق و مَشى لِمَحَل تاني.

أعمال الرُّسُل 15:13

و بَعَد ما خَلَّصو كَلامُم، يَعْقُوب إتكَلَّم و قال: ”يا أخوان، أسمَعو لَي.

أعمال الرُّسُل 2:14

في الوَكِت دا، بُطْرُس وَقَف مَعَ الحِداشَر، و رَفَع صوتو و قال ليهُم: ”يا رُجال اليَهود، و القَاعِدين في أُورُشَلِيم كُلُّكُم، أسمَعو كَلامي، و خَلّيني أوَرّي ليكُم مَعنى الكَلام دا.

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 20:8

و كانَت في فَوانيس كَتيرَه في الأوضَه الفي فوق، الكُنّا مِتلَمين فيها.

أعمال الرُّسُل 4:13

و لَمّا شافو شُجاعَة بُطْرُس و يُوحَنَّا، و لِقوهُم رُجال ما مِتعَلِّمين و زي أي زول تاني، هُم إتعَجَّبو. و عِرفوهُم كانو مَعَ يَسُوع.

أعمال الرُّسُل 4:19

و بُطْرُس و يُوحَنَّا رَدّو و قالو ليهُم: ”أحكُمو إنتو، دا هو الحَق قِدّام الله أن نَسمَع ليكُم أكتَر مِن الله؟

١ كُورِنْثُوس 15:7

و بَعَد داك، ظَهَر لِيَعْقُوب، و بَعدين لِكُل الرُسُل.

غَلَاطِيَّه 1:19

و ما شُفتَ أي واحِد مِن الرُّسُل إلّا يَعْقُوب، أخو الرَّب.

غَلَاطِيَّه 2:9

و يَعْقُوب و بُطْرُس و يُوحَنَّا، و هُم المُحتَرمين زي عِمدان، أدّاني أنا و بَرْنَابَا يَمين الشَّرِكَه، لَمّا عِرفو النِّعمَه الأدّاني الله. هُم إتَّفَقو نِحنا نَمشي لِلأُمَم و هُم لِلمُطَهَّر.

يَعْقُوب 1:1

مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.

٢ يُوحَنَّا 1:1

مِن الشّيخ لِلسَّيِّدَه المُختارَه و لِأولادا الأنا بَحِبُّم في الحَق، و ما أنا بَس، لَكِن كُل البِعرِفو الحَق كَمان.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.