أعمال الرُّسُل 1:11 - كِتاب العَهد الجَّديد مِن الكِتاب المُقَدَّس

¹¹ و قالو: ”يا رُجال الجَّليل، مالكُم واقفين بِتعايِنو لِلسَّما؟ يَسُوع دا نَفسو الإترَفَع مِنَّكُم لِلسَّما، هو بِرجَع زي ما شُفتوهو ماشي لِلسَّما.“

أعمال الرُّسُل 1:11 Iomraidhean Croise

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَتَّى 24:30

و في الوَكِت داك، عَلامَة إبن الإنسان بِتَظهَر في السَّما، و كُلّو قَبايل الدُّنيا بِبكو. و بِشوفو إبن الإنسان جاي عَلى سَحاب السَّما، بِقُوَّه و مَجد عَظيم.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَرْقُس 13:26

في الوَكِت داك، بِشوفو إبن الإنسان جاي في سَحاب بِقُوَّه كَبيرَه و بِمَجد.

مَرْقُس 14:70

و كان يَنكُر تاني مَرَّه. و بَعَد شوَيَه، الكانو واقفين كانو يَقولو لِبُطْرُس: ”بِالحَق، إنتَ مِنَّهُم، عَشان إنتَ مِن الجَّليل.“

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

لُوقَا 21:27

و في الوَكِت دا، بِشوفو إبن الإنسان جاي في السَّحابَه بِقُدرَه و بِمَجد عَظيم.

لُوقَا 24:5

و لَمّا كانو خايفين، و دَنقَرو لِلأرض بِوَشُّم، الرّاجلين قالو ليهُم: ”لِشِنو تَفَتِّشو عَلى الحَي بين المَيِّتين؟

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

أعمال الرُّسُل 1:22

مِن مَعموديَّة يُوحَنَّا لِليوم الفيهو أخَدوهو مِنَّنا. عَلَشان واحِد مِنَّهُم لازِم بِكون شاهِد مَعانا بِقِيامتو.“

أعمال الرُّسُل 1:9

و بَعَد ما قال كِدا، إترَفَع لِفوق و وَكِت هُم قاعِدين يَشوفو، سَحابَه أخَدَتو مِن عُيونُم.

أعمال الرُّسُل 13:31

و هو ظَهَر أيام كَتيرَه لِلمَشو مَعاهو مِن الجَّليل لِأُورُشَلِيم. و هَسَّع هُم شاهِدينو لِلنّاس.

أعمال الرُّسُل 2:7

و إستَغرَبو و إتعَجَّبو و قالو: ”الرُّجال ديل البِتكَلَّمو، ما كُلُّهُم ناس الجَّليل؟

أعمال الرُّسُل 3:12

و لَمّا بُطْرُس شاف دا، قال لِلنّاس: ”يا رُجال إِسْرَائِيل، مالكُم تِستَغرَبو مِن دا؟ و لِشِنو تَعاينو لينا زي نِحنا عَمَلنا الرّاجِل دا يَمشي بِقُوَّتنا ولّا عَشان نِحنا قِدِّيسين؟

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

١ تَسَالُونِيكِي 4:16

عَشان الرَّب نَفسو بِنزِل مِن السَّما، و عِندو كِلمَة الأمر، و صوت رَئيس مَلائكَه، و بوق الله. و المَيِّتين في المَسيح بِقومو في الأوَّل.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.