٣ يُوحَنَّا 1:11 - كِتاب العَهد الجَّديد مِن الكِتاب المُقَدَّس

¹¹ يا حَبيبي، ما تَتبَع الشَّر، لَكِن الخير. البِعمِل الخير هو مِن الله، و البِعمِل الشَّر هو ما شاف الله.

٣ يُوحَنَّا 1:11 Iomraidhean Croise

يُوحَنَّا 10:27

خِرفاني بِسمَعو صوتي، و أنا بَعرِفُم. و هُم يَتبَعوني.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 3:20

عَشان كُلّو واحِد البيَعمِل الحاجات الشَّرّيرَه، يَكرَه النّور، و ما يَجي لِلنّور، عَشان أعمالو ما يِتوَبَّخو.

١ كُورِنْثُوس 11:1

أتبَعوني زي ما أنا بَتبَع المَسيح.

١ كُورِنْثُوس 4:16

و أطلُب ليكُم تَعمِلو زي ما أنا بَعمِل.

أفَسُس 5:1

أعمِلو زي ما الله بيَعمِل، زي أولاد مَحبوبين.

فيلِبّي 3:17

يا أخوان، عيشو مَعَ بَعض زي ما أنا بَعيش، و شوفو تَمام هُم البِعيشو بِالمَثَل النِحنا أدّيناهو ليكُم.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

١ تَسَالُونِيكِي 2:14

عَلَشان إنتو، يا أخوان، بِقيتو زي كَنايس الله الفي اليَهُودِيَّه الفي المَسيح يَسُوع. عَشان إتحَمَّلتو نَفس الحاجات مِن ناس بَلَدكُم زي ما هُم إتحَمَّلو مِن اليَهود.

٢ تِيمُوثَاوُس 3:10

و لَكِن إنتَ تِبِعتَ تَعليمي، و مَشيَتي، و قَصدي، و إيماني و صَبري، و مَحَبَّتي، و إحتِمالي،

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

١ بُطْرُس 3:11

خَليهو يَعاكِس الشَّر و يَعمِل الخير، و يَطلُب السَّلام و يَتبَعو.

١ بُطْرُس 3:13

مِنو بِضُرّكُم إذا عِندَكُم حَسَد في الخير؟

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 3:10

بِدا، أولاد الله مَعروفين و أولاد إبْلِيس مَعروفين. كُل الما بيَعمِل البِر ما مِن الله، و كِدا الما بِحِب أخوهو كَمان.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.