٣ يُوحَنَّا 1:10 - كِتاب العَهد الجَّديد مِن الكِتاب المُقَدَّس

¹⁰ عَشان كِدا، إذا بَجي، بَزَكِّرو بِأعمالو البِعمِلو، و الكَلام الشَّرّير البقول عَنّا. لَكِن دا ما كِفايَه ليهو، هو ما بِقبَل الأخوان كَمان، و يَمنَع البِدورو يَقبَلوهُم، و هو يَطرُدُم مِن الكَنيسَه.

٣ يُوحَنَّا 1:10 Iomraidhean Croise

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

يُوحَنَّا 9:22

و والِديهو قالو كِدا عَشان هُم كانو خايفين مِن اليَهود، عَشان اليَهود إتَّفَقو، إنّو إذا واحِد إعتَرَف هو المَسيح، يَطرُدوهو مِن بيت الرَّب.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

٢ كُورِنْثُوس 13:2

أنا قُبّال دا حَذَّرتَ ديل الكانو بيَعمِلو خَطيَّه لَمّا كُنتَ مَعاكُم. و تاني مَرَّه و أنا مُش مَعاكُم بَحَذِّركُم و بَحَذِّر كُل التّانيين كَمان. و لَمّا بَرجَع ليكُم، أنا ما بَرحَم ديل البيَعمِلو خَطيَّه.

غَلَاطِيَّه 6:10

عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

١ تِيمُوثَاوُس 5:13

و في نَفس الوَكِت، هُم يِتعَلَّمو يَكونو كَسلانات، و يَمشو مِن بيت لِبيت. و هُم ما يَبقو كَسلانات بَس، لَكِن يَقولو حِكايات بِدون فايدَه، و يدخُلو في الما يَخُصُّم، و يِتكَلَّمو عَن الحاجات المَمنوعَه.

٢ يُوحَنَّا 1:10

إذا واحِد يَجيكُم و ما يَجيب التَّعليم دا، ما تَقبَلوهو في البيت و ما تَقولو ليهو ”سَلام.“

٢ يُوحَنَّا 1:12

عِندي حاجات كَتيرَه عَشان أكتِب ليكُم، لَكِن أنا ما داير أعمِلو بِوَرَق و حِبِر. بَدَل مِن دا أنتَظِر أن أجيكُم و أتكَلَّم وَش لِوَش، عَشان فَرَحنا بِكون كامِل.

٣ يُوحَنَّا 1:3

فِرِحتَ جِدّاً لَمّا بَعض مِن الأخوان جو و شِهِدو لِلحَق الفيك، و كيف إنتَ تَمشي بِالحَق.

٣ يُوحَنَّا 1:5

يا حَبيبي، إنتَ أمين بِالحاجَه التَّعمِلا لِلأخوان، و خُصوصاً لِلغَريبين.