٢ تِيمُوثَاوُس 4:3 - كِتاب العَهد الجَّديد مِن الكِتاب المُقَدَّس

³ عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

٢ تِيمُوثَاوُس 4:3 Iomraidhean Croise

لُوقَا 20:19

و مُعَلِّمين القانون و القُسُس الكُبار طَلَبو أن يَقبُضو عَليهو في زات السّاعَه، و لَكِن خافو مِن النّاس. عَشان فِهمو إنّو قال المَثَل دا عَليهُم.

لُوقَا 6:26

مُصيبَه ليكُم، إذا كُل النّاس يَقولو فيكُم كَلام كوَيس، عَشان أبَهاتُم عَمَلو كِدا بِالأنبياء الكَضّابين.

يُوحَنَّا 8:45

لَكِن عَلَشان أنا بَقول الحَق، إنتو ما بِتآمِنو بي.

أعمال الرُّسُل 17:21

و كانو ناس أَثِينَا كُلُّهُم و الغَريبين السّاكنين بِينُم بِصرُفو كُلّو وَكتُم في حاجَه واحدَه بَس، و دي عَشان يِتكَلَّمو ولّا يَسمَعو شي جَديد.

١ كُورِنْثُوس 2:1

و أنا، لَمّا جيت ليكُم، يا أخوان، ما جيت أبَشِّر بِشَهادَة الله بِكَلام عالي ولّا حِكمَه عَظيمَه.

١ كُورِنْثُوس 2:4

و كَلامي و بِشارَتي ما كانو بِكَلام حَسَب حِكمَة الإنسان الفَهيم، لَكِن بِبيّنَة الرّوح و القُوَّه،

غَلَاطِيَّه 4:16

هَسَّع بِقيت عَدو ليكُم عَشان كَلَّمتَكُم الحَق؟

١ تِيمُوثَاوُس 1:10

القانون لِليَعمِلو الزِّنا و المِخَنِّسين، و لِلبِسرِقو النّاس، لِلكَضّابين، و البِحلِفو بِالكِضِب. و القانون لِأي شي تاني البِقاوِم التَّعليم الصَّحيح،

٢ تِيمُوثَاوُس 1:13

و أمسِك بِصورَة الكَلام الصَّحيح السِّمِعتو مِنّي، مَعَ الإيمان و المَحَبَّه الفي المَسيح يَسُوع.

يَهُوذَا 1:18

عَشانُم كانو بِقولو ليكُم: ”بِكونو في زَمَن الأخير ناس يِضحَكو عَلى الله، ماشين حَسَب شَهوَاتُم الشَّرّيرَه.“