٢ تِيمُوثَاوُس 3:2 - كِتاب العَهد الجَّديد مِن الكِتاب المُقَدَّس

² عَشان النّاس بِحِبّو نُفوسُم و بِحِبّو المال، بِحمَدو نُفوسُم، بِكونو مِتكَبِّرين، بِشتِمو، ما بِطيعُو والِدينُم، ما بِشكُرو، بِكونو وَسخانين،

٢ تِيمُوثَاوُس 3:2 Iomraidhean Croise

مَتَّى 15:6

و كِدا، تَبَطِّلو كَلام الله عَلَشان حَديثكُم.

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

لُوقَا 16:14

و الفَرّيسيّين سِمِعو دا كُلّو، و هُم كانو بِحِبّو المال، و ضِحِكو عَليهو.

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

أعمال الرُّسُل 5:36

عَشان قُبّال الأيام دي، قام توداس، القال عَن نَفسو، هو كَبير. و بَعض مِن الرُّجال إتلَمّو ليهو أُربُعمِيَّه تَقريباً. لَكِن هو كان مَكتول، و كُل المَشو وَراهو أتفَرتَقو، و كُلّو بِقو كَلام فاضي.

رُومِيَه 11:18

ما تَكون مِتكَبِّر عَلى الفُروع ديلاك. إن شَكَرتَ نَفسَك، فَكِّر في دا: إنتَ ما تَشيل العِرق، لَكِن العِرق يَشيلَك.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

فيلِبّي 2:21

عَشان كُلّو واحِد مِنَّهُم يَهتَمّو بِأحوال نُفوسُم، و مُش لِحال يَسُوع المَسيح.

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

٢ تَسَالُونِيكِي 2:4

هو يَقاوِم و يَرفَع نَفسو فوق كُلّو حاجَه اليَسَموها إلَه ولّا يَعبُدوها، حَتّى هو يَقعُد في هيكَل الله و يَوَرّي نَفسو زي ما هو إلَه.

١ تِيمُوثَاوُس 1:20

و مِنَّهُم هِمِنَايُوس و الإِسْكَنْدَر الأنا سَلَّمتَهُم لِلشّيطان عَشان يِتعَلَّمو أن ما يَجَدِّفو.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

١ تِيمُوثَاوُس 6:4

هو مِتكَبِّر و ما بِفهَم حاجَه. و عِندو فِكرَه عَيّانَه عَن أصِلا و يَحارِب بِالكِلمات البِجيبو الحَسَد، و الشَّكلَه، و الشَّتيمَه، و الفِكِر البَطّال.

٢ تِيمُوثَاوُس 3:4

و هُم خايِنين، جَرّايين، مُحِبّين نُفوسُم، بِحِبّو السُّرور لَكِن ما بِحِبّو الله.

يَعْقُوب 2:8

إذا تَتِمّو القانون المَلوكيَه، بِحَسَب الكِتاب: ”تَحِب قَريبَك زي نَفسَك،“ تَعمِلو طَيب.

يَعْقُوب 4:16

لَكِن هَسَّع بِتَشكُرو و بِتَرفَعو نُفوسكُم. كُلّو كِبِر زي دا شَرّير.

يَعْقُوب 4:6

لَكِن هُوَ يَدّي نِعمَه زِيادَه. عَشان كِدا، الكِتاب يَقول: ”الله يَقاوِم المَتكَبِّرين، و لَكِن يَدّي نِعمَه لِلمِتواضِعين.“

١ بُطْرُس 5:5

يا شَباب، إنتو كَمان زي دا، طيعو الشُّيوخ. و كُلُّكُم، طيعو بَعضَكُم لِبَعض و ألبَسو توب التَّواضُع، عَشان: ”الله يَقاوِم المَتكَبِّرين، و لَكِن يَدّي المِتواضِعين نِعمَه.“

٢ بُطْرُس 2:10

و بِكون كِدا خُصوصاً لِديل اليَمشو في شَهوَه وَسخانَه بِتاعَت الجِّسِم، و يَحتَقِرو السُّلطَه. النّاس ديل بِدون خوف و مِتكَبِّرين، و ما بِخافو يَجَدِّفو عَلى العِندَهُم مَجد.

٢ بُطْرُس 2:12

لَكِن النّاس ديل يَجَدِّفو عَلى حاجات ما يَفهَموها. هُم زي الحَيوانات الما عِندَهُم عَقل، اليَمشو بِالطَّبيعَه، مَولودين عَشان يَمسِكوهُم و يَكتُلوهُم، و زي الحَيوانات، كَمان بِيَخرَبوهُم في الخَراب بِتاعُم.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.

رؤيا 13:1

و شُفتَ وَحَش طالِع مِن البَحَر، عِندو عَشَرَه قُرون و سَبعَه روسين. و عِندو عَلى قرونو عَشَرَه تيجان، و عَلى روسينو إسم تَجديف.

رؤيا 16:11

و هُم جَدَّفو عَلى إلَه السَّما بِسَبَب أوجاعُم و مِن دَبَرُم. و ما تابو مِن أعمالُم.

رؤيا 16:21

و بَرَد كَبير مِن السَّما نَزَل عَلى النّاس، وَزِن كُلّو حَجَر كان مِيَّة رَطل تَقريباً. و النّاس جَدَّفو عَلى الله بِسَبَب ضَربَة البَرَد، عَلَشان الضَّربَه كانَت مِخَوِفَه جِدّاً.

رؤيا 16:9

و النّاس إنحَرَقو بِحَر شَديد و جَدَّفو عَلى إسم الله العِندو سُلطَه عَلى الضَّرَبات دي. و هُم ما تابو عَشان يَمَجِّدوهو.