٢ تِيمُوثَاوُس 2:24 - كِتاب العَهد الجَّديد مِن الكِتاب المُقَدَّس

²⁴ و خَدّام الرَّب ما لازِم يَشاكِل، لَكِن يَكون لَطيف مَعَ كُلّو زول، و بِقدَر يَعَلِّم بِالصَّبر.

٢ تِيمُوثَاوُس 2:24 Iomraidhean Croise

مَتَّى 12:19

هو ما بِشاكِل و لا بِكورِك، و لا واحِد بِسمَع صوتو في السِّكَك.

يُوحَنَّا 6:52

و اليَهود إتشاكَلو مَعَ بَعض، و قالو: ”كيف الرّاجِل دا يَقدَر يَدينا جِسمو عَشان ناكلو؟“

أعمال الرُّسُل 15:2

و حَصَل لِبُولُس و بَرْنَابَا مُشاكَلَه و كَلام كَتير مَعاهُم. عَلَشان كِدا، إختارو بُولُس و بَرْنَابَا و ناس تانيين مِنَّهُم يَمشو لِأُورُشَلِيم لِلرُّسُل و الشُّيوخ فِشان السّؤَال دا.

أعمال الرُّسُل 23:9

و كان في كوراك شَديد. و قامو بَعض مِن مُعَلِّمين القانون، قِسِم الفَرِّيسِيِّين، و إتشاكَلو شَديد، و قالو: ”ما بِنَلقى في الإنسان دا شَر. و إذا روح ولّا مَلاك كَلَّمو، دا شِنو لينا؟“

أعمال الرُّسُل 7:26

و في اليوم التّاني جا ليهُم، و هُم يَشاكلو بَعضَهُم مَعَ بَعض. و جَرَّب يَوَرّيهُم طَريق السَّلام و قال: يا رُجال، إنتو أخوان، لِشِنو تَشاكلو بَعضَكُم مَعَ بَعض؟

٢ كُورِنْثُوس 10:1

و بَطلُب ليكُم بِوَداعَة المَسيح و صَبرو، أنا نَفسي، بُولُس، البَخُت نَفسي تِحِت لَمّا أكون مَعاكُم لَكِن عِندي شَجاعَه لَمّا أكون بَعيد.

٢ كُورِنْثُوس 10:4

عَشان أسلِحَة حَربنا مُش مِن الجِّسم لَكِن قَوّيَّه بِالله عَشان يَكَسِّر البِنايات الشَّديدَه.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

أفَسُس 4:2

كونو مِتواضِعين و لُطَفاء، و أصبُرو بَعضَكُم بَعض في المَحَبَّه.

فيلِبّي 2:14

أعمِلو كُلّو شي بِدون النَّقنَقَه و الكَلام الكَتير.

فيلِبّي 2:3

ما تَعمِلو أي شي بِمَحَبَّة النَّفس، ولّا بِكِبر. و لَكِن خُتّو نُفوسكُم تِحِت، و أحسِبو التّانيين أحسَن مِن نُفوسكُم.

كُولُوسِّي 3:13

أصبُرو بَعضَكُم بَعض، و أغفِرو بَعضَكُم بَعض إذا كان واحِد عِندو شَكوى عَلى تاني. أغفِرو زي ما الرَّب غَفَر ليكُم.

١ تَسَالُونِيكِي 2:7

و لَكِن كُنّا لُطاف في وَسِطكُم زي أُم تَرَبّي أولادا.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

تِيطُس 1:9

و هو ماسِك بِالكَلام الأمين حَسَب التَّعليم، عَلَشان هو يَقدَر يَدّي الشَّجاعَه بِالتَعليم الحَقيقي و يَوَبِّخ البِقاوِمو.

تِيطُس 3:2

و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

يَعْقُوب 1:1

مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

يَعْقُوب 4:2

تَدورو و ما بِتحَصِّلو عَليهو. تَكتُلو و تَطمَعو فيهو و لَكِن ما بِتَقدَرو تَحَصِّلو عَليهو. تَشاكِلو و تَحارِبو. و ما تَحَصِّلو عَليهو عَشان ما تَطلُبو.

١ بُطْرُس 3:8

في الآخِر، كُلُّكُم كونو مُتَّفقين في فِكر، حَنينين بَعضَكُم بَعض، حِبّو زي أخوان، كونو رُحَما و مِتواضِعين.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.