٢ تِيمُوثَاوُس 2:12 - كِتاب العَهد الجَّديد مِن الكِتاب المُقَدَّس

¹² إذا نَصبُر، بِنَملِك مَعاهو كَمان. و إذا نَنكُرو، هو بِيَنكُرنا كَمان.

٢ تِيمُوثَاوُس 2:12 Iomraidhean Croise

مَتَّى 10:33

لَكِن البِنكِرني قِدّام النّاس، أنا كَمان بَنكِرو قِدّام أبوي الفي السَّما.

مَتَّى 26:35

و بُطْرُس قال ليهو: ”إذا أنا لازِم أموت مَعاك، أنا ما بَنكِرَك.“ و كُل التَّلاميذ قالو كِدا كَمان.

مَتَّى 26:75

و بُطْرُس إتزَكَّر الكَلام القالو ليهو يَسُوع: ”قُبّال الدّيك يَكورِك، بِتَنكِرني تلاتَه مَرّات.“ و مَرَق بَرَّه و بَكى بِكى مُر.

مَرْقُس 10:33

و قال: ”شوفو، نِحنا نَطلَع لِأُورُشَلِيم. و بِسَلِّمو إبن الإنسان لِلقُسُس الكُبار و مُعَلِّمين القانون. و بِحكُمو عَليهو بِالموت، و بِسَلِّموهو لِلأُمَم.

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 12:9

و البِنكِرني قِدّام النّاس، أنا كَمان بَنكِرو قِدّام مَلائِكَة الله.

لُوقَا 22:29

و لَكِن أنا كَمان جَهَّزتَ ليكُم مَلَكوت، زي ما أبوي جَهَّز لَي مَلَكوت.

لُوقَا 22:30

عَشان تَاكُلو و تَشرَبو في طَرَبيزَتي في مَلَكوتي، و تَقعُدو عَلى كَراسي و تَحكُمو عَلى قَبايل إِسْرَائِيل الإتناشَر.

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

رُومِيَه 5:17

بِالحَق، بِخَطيّة إنسان واحِد، الموت كان عِندو قُوَّه عَلى كُل النّاس. لَكِن في ناس البِقبَلو نِعمَتو الكَتير و هَديَّة البِر. و بِتكون عِندَهُم قُوَّه زي المُلوك في الحَياة بِالواحِد يَسُوع.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

فيلِبّي 1:28

و ما خايفين في أي شي مِن عُدوانكُم. دي شَهادَه ليهُم عَلى الخَراب، و لَكِن ليكُم عَلى الخَلاص. و داك مِن الله.

١ تِيمُوثَاوُس 5:8

و إذا أي واحِد ما يَهتَم بِأقاريبو و خُصوصاً لِأهل بيتو، هو نَكَر الإيمان، و هو أكعَب مِن الما مؤمِن.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

رؤيا 1:6

وَ عَمَلنا مَلَكوت و قُسُس لِلَّه أبوهو، ليهو المَجد و السُّلطَه لِلأبَد! آمين.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

رؤيا 20:6

مُبارَك و مُقَدَّس العِندو جُزو في القيامَه الأولي. و الموت التّاني ما عِندو سُلطَه عَليهُم، لَكِن هُم بِكونو قُسُس لِلَّه و لِلمَسيح، و بِملِكو مَعاهو ألف سَنَه.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 3:8

أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.

رؤيا 5:10

و إنتَ عَمَلتُم مَلَكوت و قُسُس لِإلَهنا، و هُم بِيَملِكو عَلى الأرض.“