٢ تِيمُوثَاوُس 1:8 - كِتاب العَهد الجَّديد مِن الكِتاب المُقَدَّس

⁸ عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

٢ تِيمُوثَاوُس 1:8 Iomraidhean Croise

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

يُوحَنَّا 15:27

و إنتو كَمان تَشهَدو لَي، عَشان إنتو مَعاي مِن البِدايَه.

يُوحَنَّا 19:35

و هو الشّاف كِدا، شِهِد، و شَهادَتو حَق. و هو يَعرِف إنّو بِقول الحَق، عَشان إنتو تَآمِنو كَمان.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

رُومِيَه 8:36

زي ما مَكتوب: ”نِحنا فِشانَك في خَطَر مِن الموت كُل النَّهار، و حَسبونا زي خِرفان لِلضَّبيحَه.“

رُومِيَه 9:33

مِثِل ما مَكتوب: ”شوف! أنا بَخُت في صِهيون حَجَر وقوع و صَخرَه نُزول، و البِآمِنو بيهو ما بِكون خَجلان.“

١ كُورِنْثُوس 1:6

و كِدا شَهادَتنا عَن المَسيح إتأكَّدَت فيكُم.

٢ كُورِنْثُوس 6:7

بِكَلام الحَق، بِقوَّة الله، بِأسلِحَة البِر عَن اليَمين و عَن الشِّمال.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أفَسُس 3:13

عَلَشان كِدا بَطلُب مِنَّكُم ما تَكونو بِدون شَجاعَه بِسَبَب أتعابي فِشانكُم، عَشان دا لِمَجدكُم.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

فيلِبّي 1:7

و دا تَمام لَي أن أفتَكِر كِدا عَن كُلُّكُم، عَلَشان أحفَظكُم كُلُّكُم في قَلبي. فِشان كُلُّكُم تَشارِكوني في نِعمَة الله، إذا أنا في جَنازِير ولّا أحرِس الإنجيل و أوَرّي إنّو هو الحَق.

فيلِبّي 3:10

عَشان أعرِفو و قُوَّة قيامَتو، و شَرِكَة أتعابو، و بَكون زيهو في موتو.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

كُولُوسِّي 1:11

و تِتشَدَّدو بِكُلّو قُوَّه حَسَب قُدرَة مَجدو، عَشان تَقدَرو تَشيلو كُلّو حاجَه بِصَبر و روح طَويلَه و بِفَرَح.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

١ تَسَالُونِيكِي 3:4

عَشان لَمّا كُنّا مَعاكُم، قُلنا ليكُم مِن قُبّال هُم ماشين يَطرُدونا. و حَصَل كِدا زي ما تَعرِفو.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

٢ تِيمُوثَاوُس 1:10

لَكِن هَسَّع بِقَت بَايِنَه بِظُهور مُخَلِّصنا، المَسيح يَسُوع. هو بَطَّل الموت و وَرّانا الحَياة الما بِتموت بِواسطَة الإنجيل.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

٢ تِيمُوثَاوُس 2:3

أشتَرِك في حِمِل التَّعب زي عَسكَري كوَيس لِلمَسيح يَسُوع.

٢ تِيمُوثَاوُس 2:8

إتزَكَّر يَسُوع المَسيح القام مِن بين المَيِّتين، مِن أهل دَاوُد، حَسَب إنجيلي.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

٢ تِيمُوثَاوُس 4:5

لَكِن إنتَ، كون عاقِل في كُلّو شي، و إتحَمَّل التَّعب بِالصَّبر، و أعمِل عَمَل المُبَشِّر، وكَمِّل خِدمَتَك.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“