٢ تِيمُوثَاوُس 1:7 - كِتاب العَهد الجَّديد مِن الكِتاب المُقَدَّس

⁷ عَشان الله ما أدّانا روح الخوف، لَكِن روح القُوَّه و المَحَبَّه و مَسِك النَّفس.

٢ تِيمُوثَاوُس 1:7 Iomraidhean Croise

لُوقَا 10:19

شوف! أنا أدّيتكُم السُّلطَه تَدوسو الدَّبايب و العَقارِب، و عَلى كُلّو قُدرَة العَدو. و ما في شي يَجرَحكُم.

لُوقَا 15:17

و لَمّا رَجَع لِنَفسو، قال: كَم مِن النّاس الأبوي بِأجِّرُم عِندَهُم أكِل زِيادَه خالِص، و أنا هِنا بَموت مِن الجوع.

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

لُوقَا 8:35

و النّاس مَرَقو عَشان يَشوفو الحَصَل، و جو لِيَسُوع. و لِقو الرّاجِل المَرَقو مِنّو الشّياطين قاعِد عِند كِرعين يَسُوع. و هو كان لابِس هِدوم و عَقلو كوَيس. و هُم خافو.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

أعمال الرُّسُل 21:13

لَكِن بُولُس رَدَّ و قال: ”مالكُم بِتَبكو و تَكسِرو قَلبي؟ أنا جاهِز مُش أكون مَربوط بَس، لَكِن أموت كَمان في أُورُشَلِيم فِشان خاطِر إسِم الرَّب يَسُوع.“

أعمال الرُّسُل 26:11

و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

أعمال الرُّسُل 26:25

و بُولُس قال: ”أنا ما مَجنون، يا أَغْرِيبَاس المُحتِرَم، لَكِن بَتكَلَّم كِلمات الحَق و المَعقول.

أعمال الرُّسُل 6:8

و اسْتِفَانُوس كان مَليان نِعمَه و قُوَّه، و كان بِسَوّي عَجايِب و عَلامات كَبيرَه بين النّاس.

أعمال الرُّسُل 9:22

لَكِن شَاوُل كان بِزيد في قُوَّه، و يَحَيّير اليَهود السّاكنين في دِمَشق، و يَثَبِّت إنّو دا هو المَسيح.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

رُومِيَه 8:15

عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

١ كُورِنْثُوس 2:4

و كَلامي و بِشارَتي ما كانو بِكَلام حَسَب حِكمَة الإنسان الفَهيم، لَكِن بِبيّنَة الرّوح و القُوَّه،

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

كُولُوسِّي 1:8

و هو خَبَّرنا بِمَحَبَّتكُم في الرّوح.

عِبرانيين 2:15

و يَدّي حُرّيَّه ليهُم، الكانو كُلّو حَياتُم تِحِت العُبوديَه بِسَبَب خوفُم مِن الموت.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ يُوحَنَّا 4:18

ما في خوف في المَحَبَّه، لَكِن المَحَبَّه الكاملَه تَطرُد الخوف. عَلَشان النّاس عِندَهُم خوف لَمّا يَخافو مِن الجِّزا. و البِخاف ما بِبقى كاملَه في المَحَبَّه.