٢ تِيمُوثَاوُس 1:3 - كِتاب العَهد الجَّديد مِن الكِتاب المُقَدَّس

³ أنا أشكُر الله البَخدِمو بِضَمير نَضيف، زي ما أبَهاتي خَدَموهو، لَمّا أتزَكَّرَك دايماً في صَلَواتي ليل و نَهار.

٢ تِيمُوثَاوُس 1:3 Iomraidhean Croise

لُوقَا 2:37

و هي أرمَلَه عُمُرا أربَعَه و تَمانين سَنَه. و ما كانَت بِتخَلّي الهيكَل، بِتَخدِم بِصوم و صَلاه ليل و نَهار.

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 24:14

و لَكِن بَعتَرِف ليكُم بِدا، أنا بِحَسَب الطَّريق البِسَمّوهو حِزب، أعبُد إلَه أبَهاتنا. و بآمِن بِكُل المَكتوب في القانون و الأنبياء.

أعمال الرُّسُل 24:16

كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

أعمال الرُّسُل 26:4

كُل اليَهود بِيَعرِفو المَشي بِتاعي مِن وَكِت كُنتَ وَلَد. و كيف مِن بِدايَة حَياتي، كُنتَ بَعيش بين أُمَّتي و في أُورُشَلِيم.

أعمال الرُّسُل 27:23

عَشان في اللّيلَه دي، مَلاك الإلَه، الأنا حَقّو و أنا بَخدِمو، وَقَف جَمبي.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

غَلَاطِيَّه 1:14

و كُنتَ بَتقَدَّم في دين اليَهودي فوق كَتيرين مِن أصحابي في أُمَّتي، و كُنتَ أشَد مِنَّهُم في الغيرَه في عادات أبَهاتي.

أفَسُس 1:16

ما بَطَّلتَ أَدِّي الشُّكر فِشانكُم و أتذَكَّركُم في صَلَواتي.

١ تَسَالُونِيكِي 3:10

نَصَلّي بِاللّيل و بِالنَّهار بِشِدَّه أن نَشوف وشوشكُم و نَكَمِّل التَحتاجو ليهو في إيمانكُم.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

١ تِيمُوثَاوُس 5:5

لَكِن الأرمَلَه، الهي أرمَلَه بِالحَق، البِقَت بَراها، تَخُت رَجاها في الله. و هي تِستَمِر تَصَلّي و تَسأل ليل و نَهار.

٢ تِيمُوثَاوُس 1:5

و أتزَكَّر إيمانَك المُخلِص، السَّكَن في الأوَّل في حَبوبتَك لُوئِيس و أُمَّك أَفْنِيكِي و أنا مِتأكِّد بِسكُن فيك كَمان.

٢ تِيمُوثَاوُس 3:15

و مِن وَكِت إنتَ طِفل، كُنتَ تَعرِف الكُتُب المُقَدَّسَه البِتَقدَر تَديك فَهم لِلخَلاص بِالإيمان الفي المَسيح يَسُوع.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.