٢ تِيمُوثَاوُس 1:13 - كِتاب العَهد الجَّديد مِن الكِتاب المُقَدَّس

¹³ و أمسِك بِصورَة الكَلام الصَّحيح السِّمِعتو مِنّي، مَعَ الإيمان و المَحَبَّه الفي المَسيح يَسُوع.

٢ تِيمُوثَاوُس 1:13 Iomraidhean Croise

رُومِيَه 2:20

و مُدَرِّس الغُشام، و مُعَلِّم لِلصُّغار، عَشان عِندَك في القانون صورَة المَعرِفَه و الحَق.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

فيلِبّي 4:9

الإنتو إتعَلَّمتو، و قِبِلتو، و سِمِعتو مِنّي، و شُفتو فِيني، أعمِلو بِدا. و إلَه السَّلام بِكون مَعاكُم.

كُولُوسِّي 1:4

عَلَشان نِحنا سِمِعنا بِإيمانكُم في المَسيح يَسُوع و مَحَبَّتكُم لِكُل القِدِّسين.

١ تَسَالُونِيكِي 5:21

إمتَحِنو كُلّو حاجَه. و أمسِكو بِالكوَيس.

١ تِيمُوثَاوُس 1:10

القانون لِليَعمِلو الزِّنا و المِخَنِّسين، و لِلبِسرِقو النّاس، لِلكَضّابين، و البِحلِفو بِالكِضِب. و القانون لِأي شي تاني البِقاوِم التَّعليم الصَّحيح،

١ تِيمُوثَاوُس 1:14

و نِعمَة رَبَّنا زادَت كَتير خَلاص مَعَ الإيمان و المَحَبَّه الفي المَسيح يَسُوع.

١ تِيمُوثَاوُس 6:3

إذا أي واحِد يَعَلِّم تَعليم تاني و ما يَتَّفِق لِلكَلام الصَّحيح، كَلام رَبَّنا يَسُوع المَسيح، و لِلتَعليم الهو حَسَب خوف الله،

٢ تِيمُوثَاوُس 1:1

مِن بُولُس رَسول المَسيح يَسُوع بِإرادَة الله حَسَب الوَعد بِالحَياة الفي المَسيح يَسُوع،

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

٢ تِيمُوثَاوُس 3:14

و لَكِن إنتَ، إستَمِر في الحاجات الإتعَلَّمتا و بِقيت مِتأكِّد مِنَّها، عَلَشان إنتَ بِتَعرِف مِن مِنو إتعَلَّمتَها.

٢ تِيمُوثَاوُس 4:3

عَشان الوَكِت بِجي لَمّا النّاس ما يِتحَمَّلَو التَعليم الصَّحيح. لَكِن حَسَب الشَّهوات بِتاعتُم بِلِمّو لِنُفوسُم مُعَلِّمين عَشان يَقولو الهُم عاوزين بِشِدَّه أن يَسمَعو.

تِيطُس 1:9

و هو ماسِك بِالكَلام الأمين حَسَب التَّعليم، عَلَشان هو يَقدَر يَدّي الشَّجاعَه بِالتَعليم الحَقيقي و يَوَبِّخ البِقاوِمو.

تِيطُس 2:1

لَكِن إنتَ، إتكَلَّم بِاليِستَحِق التَّعليم الصَّحيح.

تِيطُس 2:8

و كَلامَك بِكون صَحيح و بِدون لوم، عَلَشان العَدو بِخجَل و ما بِقدَر يَقول عَلينا حاجَه بَطّالَه.

عِبرانيين 10:23

و خَلّونا نَمسِك بِشَهادَة الرَّجاء ثابِتين، عَشان هو الوَعَدنا أمين.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.

رؤيا 2:25

لَكِن تَمسِكو بِالحاجَه العِندَكُم لِغايَة ما بَجي.

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.