٢ تِيمُوثَاوُس 1:12 - كِتاب العَهد الجَّديد مِن الكِتاب المُقَدَّس

¹² و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 1:12 Iomraidhean Croise

مَتَّى 12:21

و في إسمو ناس الدُّنيا يَصَدِّقو.“

مَتَّى 24:36

و لَكِن اليوم داك و السّاعَه ديك ما في واحِد يَعرِفو. و لا مَلائِكَة السَّما، و لا الإبن، لَكِن الأبو بَس.

مَتَّى 7:22

في اليوم داك، ناس كَتيرين بِقولو لَي: يا رَب، يا رَب، ما بَشَّرنا بِإسمَك؟ و ما طَلَّعنا شياطين بِإسمَك؟ و ما عَمَلنا أعمال كَتيرَه بِقُدرَه بِإسمَك؟

لُوقَا 10:12

أقول ليكُم، حالَة سَدوم بِتكون أحسَن في اليوم داك مِن الحالَه البِتكون لِلبَلَد ديك.

لُوقَا 23:46

و يَسُوع كورَك بِصوت عالي و قال: ”يا أبوي، في إيدينَك أدّيت روحي.“ و لَمّا قال كِدا سَلّم روحو.

يُوحَنَّا 17:15

أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر.

يُوحَنَّا 6:44

ما في واحِد يَقدَر يَجي لَي إلّا الأبو الرَّسَّلني يَجيبو لَي. و أنا بَقَوِّمو في اليوم الأخير.

أعمال الرُّسُل 13:46

و بُولُس و بَرْنَابَا رَدّو عَليهُم بِشَجاعَه و قالو: ”كان لازِم نَكَلِّمكُم بِكِلمَة الله في الأوَّل. و لَكِن عَلَشان إنتو أبيتوها، و حَكَمتو عَلى نُفوسكُم أنَّكُم ما مُستَحِقّين لِلحَياة الأبَديَّه، شوفو! نَدَوِّر لِلأُمَم.

أعمال الرُّسُل 13:50

و لَكِن اليَهود حَرَّكو النِّسوان البِخافو و المُحتَرَمات و رؤساء المَدينَه. و هُم حَرَّكو ضيق عَلى بُولُس و بَرْنَابَا و طَرَدوهُم مِن بَلَدُم.

أعمال الرُّسُل 21:13

لَكِن بُولُس رَدَّ و قال: ”مالكُم بِتَبكو و تَكسِرو قَلبي؟ أنا جاهِز مُش أكون مَربوط بَس، لَكِن أموت كَمان في أُورُشَلِيم فِشان خاطِر إسِم الرَّب يَسُوع.“

أعمال الرُّسُل 7:59

و وَكِت ما كانو بِرمو اسْتِفَانُوس بِحُجار، هو كان بِصَلّي و يَقول: ”يا رَب يَسُوع، أقبَل روحي.“

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 9:33

مِثِل ما مَكتوب: ”شوف! أنا بَخُت في صِهيون حَجَر وقوع و صَخرَه نُزول، و البِآمِنو بيهو ما بِكون خَجلان.“

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

١ كُورِنْثُوس 3:13

عَمَل كُلّو واحِد بِبقى بايِن. عَشان اليوم بِوَرّيهو، و هو يَبَيِّن بِالنّار. و النّار بِتَمتَحِن عَمَل كُلّو واحِد هو مِن ياتو نوع.

فيلِبّي 1:20

أنتَظِر و عِندي رَجاء إنّي ما بَكون خَجلان أبَداً، و لَكِن بِكون عِندي شَجاعَه حَتّى المَسيح بِكون مُحتِرَم في جِسمي هَسَّع، زي في كُلّو وَكِت، إذا بِالحَياة ولّا بِالموت.

فيلِبّي 3:10

عَشان أعرِفو و قُوَّة قيامَتو، و شَرِكَة أتعابو، و بَكون زيهو في موتو.

فيلِبّي 3:21

هو بِغَيِّر جِسِمنا المِتواضَع، عَشان بِكون زي جِسمو المَجيد. و هو بيَعمِل دا بِنَفس القُوَّه البيها هو بِقدَر يَخُت كُلّو شي تِحِت سُلطتو.

فيلِبّي 3:8

بِالأكتَر، أحسِب كُلّو شي خَسارَه عَلَشان المَعرِفَه البِتفوت عَن كُلّو شي، يَعني مَعرِفَة المَسيح يَسُوع رَبّي. و فِشانّو، أنا خَسَرتَ كُل الحاجات و أحسِبا زي حاجَه خَربانَه عَشان آخُد المَسيح،

١ تَسَالُونِيكِي 2:16

و يَمنَع نَكَلِّم الأُمَم عَشان بِكونو مُخَلَّصين، عَشان يَكَمِّلو خَطاياهم كُلّو وَكِت. و لَكِن غَضَب الله جا عَليهُم بِدون نِهايَه.

١ تَسَالُونِيكِي 5:4

لَكِن إنتو، يا أخوان، ما في الضُّلُمَّه، و اليوم داك ما بِجي عَليكُم زي الحَرامي.

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

٢ تِيمُوثَاوُس 1:18

و الرَّب يَدّي ليهو أن يَلقا رَحمَه مِن الرَّب في اليوم داك! و إنتَ بِتَعرِف كوَيس كيف هو خَدَّمني بِحاجات كَتيرَه في أفَسُس.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

٢ تِيمُوثَاوُس 2:9

و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 2:18

و فِشان هو تِعِب لَمّا كان مُجَرَّب، هو بِقدَر يَساعِد ديل البِكونو مُجَرَّبين.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

١ بُطْرُس 4:16

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.

١ بُطْرُس 4:19

عَلَشان كِدا، البِتوَجَّعو بِحَسَب إرادَة الله، خَلّوهُم يَدّو نُفوسُم لِلخالِق الأمين، و يَعمِلو الخير.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،