٢ تَسَالُونِيكِي 1:9 - كِتاب العَهد الجَّديد مِن الكِتاب المُقَدَّس

⁹ و الجِّزا بِتاعُم هو خَراب أبَدي، و يَفَرِّقوهُم مِن وَش الرَّب و مِن مَجد قُوَّتو،

٢ تَسَالُونِيكِي 1:9 Iomraidhean Croise

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 22:13

بَعدين المَلِك قال لِلخَدّامين: أربُطو إيدينو و كِرعينو، و أرموهو بَرَّه في الضُّلُمَّه. هِناك بِيَبكو و بِعَضّو الأسنان.

مَتَّى 24:30

و في الوَكِت داك، عَلامَة إبن الإنسان بِتَظهَر في السَّما، و كُلّو قَبايل الدُّنيا بِبكو. و بِشوفو إبن الإنسان جاي عَلى سَحاب السَّما، بِقُوَّه و مَجد عَظيم.

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

مَتَّى 7:23

و بَعدين بَكَلِّمُم: ما عِرِفتَكُم أبَداً. أمشو مِنّي، إنتو البِتَعمِلو الخَطيَّه.

لُوقَا 13:27

و هو بِقول ليكُم: ما بَعرِفكُم جيتو مِن وين. أمشو بَعيد مِنّي، كُلُّكُم العامِلين الخَطيَّه.

يُوحَنَّا 5:14

و بَعَد كِدا، يَسُوع لِقاهو في الهيكَل. و قال ليهو: ”شوف، إنتَ بِقيت طَيب. ما تَعمِل خَطيَّه تاني مَرَّه، عَشان شي أكعَب ما يَحصَل ليك.“

فيلِبّي 3:19

نِهايَتُم هي الخَراب، و إلَهُم هو بُطونُم، و مَجدُم هو خَجَلُم، و فِكرُم في حاجات الدُّنيا.

١ تَسَالُونِيكِي 5:3

لَمّا النّاس يَقولو: ”في سَلام و ما في خَطَر،“ في الوَكِت داك خَراب بِجيكُم عَلى غَفلَه زي الوَجَع الشَّديد لِلحامِل. و هُم ما بِقدَرو يَهرُبو.

٢ تَسَالُونِيكِي 2:8

و بَعَد دا، يَظهَر إنسان الخَطيَّه. و الرَّب يَسُوع بِغلِبو بِنَفَس خَشمو، و بِخَرِّبو بِمَجدو لَمّا بِجي.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

٢ بُطْرُس 2:17

النّاس ديل أبيار بِدون مويَه، غَمام تَسوقو الهَبوب. و الضُّلُمَّه الغَريقَه مَحفوظَه ليهُم.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.

يَهُوذَا 1:13

أمواج بَحَر مُحَرَّكَه مَزَبِّدَه بِخَجَلُم، نُجوم ضالَّه، مَحفوظَه لِضَلام أسوَد جِدّاً لِلأبَد.

رؤيا 20:11

و بَعدين شُفتَ كُرسي كَبير و أبيَض، و شُفتَ القاعِد فوقو. و السَّما و الأرض هَرَبَت مِن وَشّو، و ما لِقو مَحَل.

رؤيا 20:14

و الموت و الهاويَه إترَمو في بِركَة النّار. و بِركَة النّار، هي الموت التّاني.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.