٢ بُطْرُس 3:2 - كِتاب العَهد الجَّديد مِن الكِتاب المُقَدَّس

² أنا عاوِزكُم تِتزَكَّرو كِلمات الأنبياء القِدِّسين الإتكَلَّمو بيها مِن قُبّال، و أمر الرَّب و المُخَلِّص الجّا ليكُم بِرُسُلكُم.

٢ بُطْرُس 3:2 Iomraidhean Croise

لُوقَا 1:70

زي ما إتكَلَّم بِخَشُم أنبياهو القِدِّسين الكانو مِن زَمان:

لُوقَا 24:27

و إبتَدا مِن كِتاب مُوسَى و مِن كُل الأنبياء يَفَسِّر ليهُم الكان مَكتوب عَنّو في كُل الكُتُب.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 3:18

و كِدا الله عَمَل الهو كَلَّمنا بيهو مِن قُبّال بِخَشم كُل الأنبياء إنّو مَسيحو لازِم يَتعَب.

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

غَلَاطِيَّه 6:2

شيلو الأحمال بَعضَكُم بَعض، و كِدا تَكَمِّل قانون المَسيح.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

أفَسُس 3:5

و ما خَبَّر بيهو لِلنّاس في زَمَن تاني زي ما وَرّاهو هَسَّع لِرُسُلو القِدِّسين و أنبياهو بِالرّوح.

١ تِيمُوثَاوُس 6:14

عَشان تَحفَظ الأمر، نَضيف و بِدون لوم لِظُهور رَبَّنا يَسُوع المَسيح.

٢ بُطْرُس 2:21

عَشان كان أحسَن ليهُم إذا ما عِرِفو طَريق البِر، مِن ما بَعَد ما عِرِفوهو يَرَجِّعو عَن الأمر المُقَدَّس الكان مَسَلَّم ليهُم.

٢ بُطْرُس 3:15

و أحسِبو إنّو صَبر رَبَّنا فُرصَه لِلخَلاص. زي ما أخونا الحَبيب بُولُس كَمان كَتَب ليكُم بِحَسَب الحِكمَه الأدّاهو الله.

٢ بُطْرُس 3:16

زي ما هو بِكتِب في كُلّو جَواباتو، و يتكَلَّم عَن الحاجات دي. و بَعض مِن الحاجات دي بِكونو صَعبَه لِلفَهم. و النّاس الما عِندَهُم مَعرِفَه و ما ثابِتين، يَتَرجِموها بِالكِضِب. و هُم يَعمِلو زي دا بِالكُتُب التّانيَه. و كِدا يَجيبو الخَراب عَلى نُفوسُم.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

يَهُوذَا 1:17

و لَكِن إنتو، يا مَحبوبين، إتزَكَّرو الكَلام القالوهو رُسُل رَبَّنا يَسُوع المَسيح مِن قُبّال.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“