٢ بُطْرُس 3:11 - كِتاب العَهد الجَّديد مِن الكِتاب المُقَدَّس

¹¹ و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

٢ بُطْرُس 3:11 Iomraidhean Croise

مَتَّى 8:27

و النّاس إستَغرَبو و قالو: ”مِنو الإنسان دا؟! لِغايَة الهَبوب و البَحَر يَسمَعو لِكَلامو!“

رُومِيَه 13:11

و أعمِلو دا، و أفهَمو الوَكِت الحاضِر. السّاعَه جات عَشان تَقومو مِن النّوم. فِشان خَلاصنا هَسَّع قَريب مِن ما كان لَمّا آمَنّا في الأوَّل.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

فيلِبّي 3:20

و لَكِن وَطَنّا في السَّما. و نَستَنّا مُخَلِّص مِن هِناك، الرَّب يَسُوع المَسيح.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ تِيمُوثَاوُس 6:3

إذا أي واحِد يَعَلِّم تَعليم تاني و ما يَتَّفِق لِلكَلام الصَّحيح، كَلام رَبَّنا يَسُوع المَسيح، و لِلتَعليم الهو حَسَب خوف الله،

١ تِيمُوثَاوُس 6:6

لَكِن خوف الله، إذا الزّول فَرحان، دا غِنى عَظيم.

عِبرانيين 13:5

أحفَظو حَياتكُم مِن مَحَبَّة القُروش، و كونو مَبسوطين مِن العِندَكُم. عَلَشان الله قال: ”أنا أبَداً ما بَسيبَك، و ما بَخَلّيك وَحدَك أبَداً.“

يَعْقُوب 1:24

و هو يَشوف نَفسو و يَمشي، و بِسُرعَه يَنسى كيف هو كان.

يَعْقُوب 3:13

مِنو حَكيم و فاهِم بينكُم؟ خَليهو يَوَرّي مِن حَياتو الطَّيبَه، أعمالو في الوَداعَه بِتاعَت الحِكمَه.

١ بُطْرُس 1:15

لَكِن زي ما النّاداكُم هو قُدّوس، كونو إنتو كَمان قِدِّيسين في حَياتكُم كُلّها.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

٢ بُطْرُس 1:3

عَشان قُدرَة الله نَفسو أدّانا كُلّو حاجَه النَّحتاج ليها لِلحَياة و لِخوف الله. و لَمّا نَعرِفو، نِتعَلَّم إنّو نادانا لِمَجد نَفسو و خيرو.

٢ بُطْرُس 1:6

و تَزيدو لِلمَعرِفَه مَسِك النَّفس، و لِمَسك النَّفس الصَّبر، و لِلصَّبر خوف الله،

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

٢ بُطْرُس 3:12

و إنتو مُنتَظِرين و مِستَعجِلين يوم الله البِجي. عَلَشان اليوم داك بِجيب خَراب السَّماوات بِالنّار، و الحَر الشَّديد بِخرَب النُّجوم.